Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/10597
Fjöldi útivinnandi kvenna á Íslandi hefur aukist gífurlega frá miðri síðustu öld og er atvinnuþátttaka kvenna ein sú mesta sem þekkist í Evrópu. Þátttaka kvenna á vinnumarkaðnum er þó ekki jafn mikil og þátttaka karla og skýra barneignir hluta þess munar. Niðurstöður könnunar sýna að atvinnuþátttaka karla eykst eftir því sem fleiri og yngri börn eru á heimili en þessu er öfugt farið með konur.
Með auknu framboði á barnagæslu geta konur aukið framboð sitt á vinnumarkaði og hafa rannsóknir sýnt að sú sé raunin. Fleira hefur áhrif á vinnuframboð kvenna og einn lykilþátturinn þar er fæðingarorlof. Fæðingarorlof á Íslandi hefur tekið miklum breytingum frá fyrstu lagasetningu árið 1946. Árið 2000 var fæðingar- og foreldraorlofskerfinu umturnað með auknum réttindum feðra til orlofstöku. Markmið laganna var að jafna stöðu karla og kvenna á vinnumarkaðnum. Niðurstöður samanburðarrannsóknar á jafnrétti á vinnumarkaði fyrir og eftir innleiðingu fæðingarorlofslaganna sýndu að lögin hafi haft jafnandi áhrif á stöðu karla og kvenna á vinnumarkaðnum.
Ein leið til að skoða mismunandi stöðu karla og kvenna á vinnumarkaði er bera saman laun þeirra. Niðurstöður rannsókna sýna að karlar fá hærri laun en konur fyrir sambærilegan vinnutíma. Samkvæmt rannsókn Hagstofu Íslands hefur tilvist barna jákvæð áhrif á tímakaup karla en neikvæð áhrif á tímakaup kvenna. Þessi áhrif þekkjast víðast hvar í heiminum og hefur launamunur barnlausra kvenna og mæðra jafnan verið nefndur fjölskyldubilið.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Ritgerð - lokaútgáfa.pdf | 940.43 kB | Opinn | Heildartexti | Skoða/Opna |