ÍslenskaenEnglish

Aðilar að Skemmunni

Leit eftir:


SkýrslaHáskóli Íslands>Félagsvísindasvið>Ritraðir og skýrslur>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/10726

Titill

Fjölgun barnaverndartilkynninga 2005-2009

Útgáfa
Nóvember 2009
Útdráttur

Árið 2009 leitaði félags- og tryggingamálaráðuneytið til Rannsóknastofnunnar í barna- og fjölskylduvernd (RBF), vegna beiðni velferðarvaktarinnar um athugun á fjölgun tilkynninga til barnaverndarnefnda. Beiðnin var tilkomin í kjölfar upplýsinga frá Barnaverndarstofu (BVS) og Barnaverndar Reykjavíkur um verulega aukningu tilkynninga til barnaverndar auk umræðu og ályktana fjölmiðla í þá veru að aukningin tengdist áföllum í efnahagslífi og atvinnuleysi. Í samvinnu við Rannsóknastofnun í barna- og fjölskylduvernd var Halldór Sig. Guðmundsson, lektor í félagsráðgjöf við Háskóla Íslands, fenginn til að hafa umsjón með könnuninni.
Í ályktun velferðarvaktarinnar frá 12. júní 2009 var fjallað um aðstæður barna og barnavernd m.a. í ljósi fjölgunar á tilkynningum til barnaverndarnefnda á undanfarandi mánuðum samanborið við 2008. Fjölgunin var talin gefa til kynna að ákveðinn hópur barna byggi við alvarlegan vanda. Velferðarvaktin taldi ekki unnt að draga óyggjandi ályktanir um ástæður fjölgunarinnar og því var ákveðið að láta gera könnun á nýjum málum sem bárust barnaverndarnefndum þriggja sveitarfélaga, Reykjavíkurborg, Reykjanesbæ og Árborg á fyrstu þremur og fyrstu sex mánuðum þessa árs. Upphaflega var gert ráð fyrir að könnuin myndi einnig beinast að skráðum upplýsingum í einstökum málum en til þess kom ekki, a.m.k. ekki í fyrsta hluta verkefnisins.
Í þessari samantekt er gerð grein fyrir fyrri hluta verkefnisins, tölulegum upplýsingum BVS sem barnaverndarnefndir senda inn einu sinni í mánuði (svokölluð sískráning sbr. fylgiskjal 1). Að auki er stuðst við ásrsskýrslur BVS. Tölulegu upplýsingarnar úr sískráningunni og ársskýrslur eru aðgengilegar á vef BVS (http://www.bvs.is).
Í samantektinni er fyrst fjallað stuttlega um aðferðina við úrvinnslu gagna. Síðan er gerð grein fyrir niðurstöðum sem settar eru fram í formi línurita og stöplarita ásamt stuttum skýringartexta. Niðurstöðukafli sýnir fjölgun tilkynninga á fyrstu sex mánuðum hvers árs, á árunum 2005-2009. Í lokin er stutt umræða um niðurstöðurnar ásamt ábendingum og tillögum að frekari athugunum. Skýrslan var kynnt stýrihópi velferðarvaktarinnar 24. nóv. 2009.

ISBN

978-9979-9859-4-5

Athugasemdir

Ritröð um rannsóknarverkefni félagsráðgjafar

Tengd vefslóð
Birting
25.1.2012


Skrár
NafnHækkandiStærðRaðanlegtAðgangurRaðanlegtLýsingRaðanlegtSkráartegund
Fjolgun_barnavernd... .pdf259KBOpinn Heildartexti PDF Skoða/Opna