ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Heilbrigðisvísindasvið>B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/10758

Titill

Áhrif vitrænnar þjálfunar hjá fólki með MS sjúkdóm

Útgáfa
Febrúar 2012
Útdráttur

Athugað var hvort sex vikna vitræn þjálfun með Lumosity tölvuforritinu bætir vitræna getu fólks með MS sjúkdóminn. Þátttakendur voru 33 á aldrinum 23-67 ára og með staðfesta greiningu á MS. Þar af voru 24 konur og níu karlar. Fjöldi ára frá greiningu var á bilinu þrír mánuðir til 30 ár, meðalárafjöldi var níu ár. Þátttakendur komu í taugasálfræðilega prófun á Reykjalund fyrir og eftir sex vikna þjálfun. Þeir tóku átta matspróf í Lumosity forritinu en þau mæla vitræna getu, D2 athyglisprófið og sjálfsmatskvarðana DASS og WHODAS. Fyrsta tilgátan var að sex vikna vitræn þjálfun bætir getu á prófum sem mæla vinnsluminni, vinnsluhraða og athygli. Hún var ekki studd nema að nokkru leyti. Önnur tilgáta var að þeir sem þjálfa meira standa sig betur en þeir sem þjálfa minna á prófum sem mæla vinnsluminni, vinnsluhraða og athygli. Sú tilgáta var ekki studd. Þriðja tilgáta var að sex vikna vitræn þjálfun bætir útkomu á prófum sem mæla virkni í daglegum athöfnum og sálræna þætti (þunglyndi, kvíða og streitu). Hún var ekki studd. Svo virðist sem sex vikna vitræn þjálfun með Lumosity forritinu dugi ekki til að bæta getu á prófum sem mæla athygli, vinnsluminni og vinnsluhraða hjá fólki með MS. Þörf er á frekari rannsóknum á vitrænni þjálfun fyrir fólk með MS.

Birting
31.1.2012


Skrár
NafnRaðanlegtStærðHækkandiAðgangurRaðanlegtLýsingRaðanlegtSkráartegund
Ritgerð-LOKA-Heiða... .pdf685KBOpinn Heildartexti PDF Skoða/Opna