ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Heilbrigðisvísindasvið>B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/10806

Titill

Próffræðilegir eiginleikar AMMSA spurningalistans í íslenskri útgáfu

Útgáfa
Febrúar 2012
Útdráttur

Tilgangur rannsóknarinnar var að staðfæra íslenska þýðingu AMMSA listans (The Acceptance of Modern Myths about Sexual Aggression scale). Próffræðilegir eiginleikar listans í enskri og þýskri þýðingu hafa komið ágætlega út en þáttagreining hefur verið óstöðug. AMMSA listinn er þróaður með það í huga að meta mýtur um kynferðisofbeldi. Listinn var þýddur frá ensku yfir á íslensku og hann forprófaður. Eftir forprófun var orðalagi listans breytt nokkuð, atriði einfölduð og gerð skýrari. Þátttakendur rannsóknarinnar voru 624 talsins en þar af voru 463 karlmenn og 161 kona. Niðurstöður leiddu í ljós að áreiðanleiki listans í heild sinni var mjög góður eða α=0,90 en fjögur atriði komu illa út úr atriðagreiningu. Þáttagreining sýndi óstöðuga þáttabyggingu líkt og fyrri rannsóknir á listanum. Eftir að eins þáttar lausn var skoðuð var út frá skriðuriti ákveðið að notast frekar við fjögurra þátta lausn. Áreiðanleikastuðlar þriggja undirþátta voru í meðallagi eða ásættanlegir en áreiðanleikinn var á bilinu α=0,58 til α=0,86. Fjórði þátturinn var merkingarlaus og kom illa út en einungis tvö atriði hlóðu á hann. AMMSA listinn þarfnast frekari lagfæringar áður en hægt er að nota hann í klínískri vinnu. Þáttagreining listans er enn nokkuð óstöðug og enn frekari breytinga er þörf á atriðum en réttlætanlegt er að íhuga að fjarlægja nokkur þeirra úr listanum.

Birting
7.2.2012


Skrár
NafnHækkandiStærðRaðanlegtAðgangurRaðanlegtLýsingRaðanlegtSkráartegund
Lokaritgerd_ElisaG... .pdf1,1MBOpinn Heildartexti PDF Skoða/Opna