Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/10812
Rannsóknir sýna að veikindi og sjúkrahúsvist getur verið mjög streituvaldandi upplifun fyrir börn og vakið upp hjá þeim mikinn ótta. Tilgangur þessa verkefnis var að varpa ljósi á sálræna líðan barna á sjúkrahúsum. Skoðaðar voru niðurstöður rannsókna á skilningi barna á veikindum, sálrænni líðan barna á sjúkrahúsum, aðferðir til að meta sálræna líðan barna á sjúkrahúsum auk þess sem kannað var hvaða barnabækur um börn á sjúkrahúsum eru til hér á landi og hvaða mynd þær gefa af sjúkrahúsvist barna. Aðferð sem notast var við var heimildagreining og var heimilda aflað í viðurkenndum rafrænum gangasöfnum.
Helstu niðurstöður voru að mikill þroskamunur er hvað varðar skilning barna á veikindum en almennt er hann flóknari hjá eldri börnum. Helstu þættir sem vekja ótta hjá börnum á sjúkrahúsum eru aðskilnaður frá foreldrum, ókunnugt umhverfi, verkir, sprautur og skortur á upplýsingum. Viðeigandi undirbúningur barna fyrir sjúkrahúsvist getur dregið mjög úr vanlíðan þeirra á sjúkrahúsum. Mjög fáar barnabækur fundust um börn á sjúkrahúsum og eru þær, ásamt mörgum rannsóknum, komnar til ára sinna.
Gildi verkefnisins fyrir hjúkrun felst í mikilvægi þess að átta sig á líðan barna á sjúkrahúsum og fyrirbyggja vanlíðan. Brýnt er að framkvæma nýjar og fleiri rannsóknir á þessu viðfangsefni, einkum á Íslandi.
Lykilorð: Ótti, kvíði, börn, vitsmunaþroski, sjúkrahús, undirbúningur.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Endanleg_utgafa.pdf | 497.67 kB | Opinn | Heildartexti | Skoða/Opna |