ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Verkfræði- og náttúruvísindasvið>Meistaraprófsritgerðir>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/10818

Titlar
  • Jarðfræði og ummyndun í nágrenni Reykjafells á Hellisheiði

  • en

    The Geology and Hydrothermal Alteration near the Mt. Reykjafell area in the Hellisheidi Geothermal Field.

Útgáfa
Febrúar 2012
Útdrættir
  • Háhitaholurnar HE-10, HE-30 og HE-42 á Hellisheiði voru boraðar í þeim tilgangi að kanna betur háhitakerfi Hengilsins og afla orku. Fyrri hluti þessarar rannsóknar er fólginn í ítarlegri úrvinnslu á gögnum sem safnað var við boranirnar, og má þar m.a. nefna borsvarf og borholumælingar, en markmiðið er að varpa skýrari heildarmynd á jarðfræði svæðisins. Jarðlagamyndanir hafa verið kortlagðar niður á um 2900 m u.s. Móbergsmyndanir eru ríkjandi niður á 800 m u.s. en stöku hraunlagamyndanir finnast inn á milli þeirra. Ítarleg kortlagning á ummyndun og samanburður við berghita ber vott um að hiti í jarðhitakerfinu í Reykjafelli fari vaxandi. Við Gígahnúka, austan Reykjafells, hefur hins vegar átt sér stað kólnun og í HE-10, sunnan hnúkanna, er berghitaferill viðsnúinn og sýnir mun lægri hita en hámarks ummyndun á svæðinu gefur til kynna. Tiltölulega fáar vatnsæðar finnast á 700-1200 m u.s. og neðan 1600 m u.s. finnast engar stórar vatnsæðar. Innskotum fjölgar eftir því sem neðar dregur í jarðlagastaflanum og á um 1800 m u.s. er hlutfall innskota á hverjum 100 m orðið um 60%. Seinni hluti rannsóknarinnar snýr að samsetningu og myndun súlfíða og málmoxíða. Örgreiningar og röntgen (XRD) greiningar voru framkvæmdar á sýnum úr holu HE-42 í Hellisskarði. Fe-Ti oxíð hafa orðið fyrir oxun og afblöndun við kólnun sem leiðir til myndunar ilmeníts og Ti-magnetíts. XRD greiningar styðja við niðurstöður örgreininga sem benda til Ti-maghemíts og hematíts en það ber vott um mikla oxun í staflanum. Ummyndun ilmeníts hefst á svipuðu dýpi og ummyndunarsteindirnar sphene og brookite finnast. Súlfíðin pýrít, pyrrhotít, kalkópýrít, bornít og diginít greindust í sýnunum. Algengt er að magnetít, pýrít, pyrrhótít og hematít finnist saman en það bendir til redox ójafnvægis.

  • en

    This research is twofold. Firstly, all data that was gathered during the drilling of HE-10, HE-30 and HE-42 in the Hellisheiði geothermal field SW of the Hengill central volcano has been studied in detail to gain better understanding of the subsurface geology and the nature of the geothermal system. Different rock formations and the alteration in the aforementioned system has been determined as well as the frequency of intrusives in the strata. Several parameters, including temperature logs, were used to locate aquifers in the wells. Results show that hyaloclastite formations dominate down to a depth of 800 m b.s.l. but below crystalline basalt, both lava and intrusives, are dominating. No large aquifers are found below 1600 m b.s.l. indicating it is not necessary to drill deeper for productive wells in the studied area. Comparison of alteration zones and formation temperatures shows a significant cooling of the system around well HE-10 since its maximum temperature during the last glacial. It also indicates that the geothermal system on the western side of the Hengill graben, around HE-30, is warmer now than ever. Very weak relation was found between the location of aquifers and distinct geological features such as dykes or boundaries between lithological units. The second part of the research is a study of sulfides and oxides from well cuttings derived from well HE-42. Analyses of their chemical composition and textural relations has been carried out. Igneous Fe-Ti oxides of different composition were detected as well as the alteration products of Ti-maghemite, hematite, sphene and brookite. Pyrite, pyrrhotite, chalcopyrite, bornite and digenite were also detected. The frequent co-existence of magnetite, pyrite, pyrrhotite and hematite indicates disequilibrium redox conditions.

Birting
10.2.2012


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
Sveinborg_H_Gunnar... .pdf9,89MBOpinn Heildartexti PDF Skoða/Opna