ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Heilbrigðisvísindasvið>Meistaraprófsritgerðir>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/10939

Titill

Greining mæligagna í gæðaeftirliti kalds vatns

Útgáfa
Maí 2011
Útdráttur

Viðfangsefni verkefnis er örveru-, efna og eðlisfræðileg gæði neysluvatns í Heiðmörk. Verkefninu er skipt í þrjá hluta.
Í verkhluta eitt er gerð greining á tiltækum mæligögnum úr opinberu eftirliti og innra eftirliti með vatnsveitu Orkuveitu Reykjavíkur á höfuðborgarsvæðinu frá tímabilinu 1997 – 2009. Með úrvinnslu gagnanna var leitast við að svara spurningum um hvort marktækar breytingar hafi orðið á ýmsum örveru-, efna- og eðlisfræðilegum eiginleikum neysluvatnsins á síðustu 13 árum og gerður samanburður við gögn frá fyrri tímabilum.
Í verkhluta tvö var gerð rannsókn á örveru- og eðlisgæðum neysluvatns frá vatnstökusvæði til nokkurra staða í dreifikerfi Orkuveitu Reykjavíkur á höfuðborgarsvæðinu. Einnig var sérstaklega gerð rannsókn á mismunandi tegundum ræktunaræta við ákvörðun á heildargerlafjölda. Tilgangur með þessu var að sjá áhrif dreifikerfisins á gæði neysluvatnsins og sannreyna þær niðurstöður sem komu úr verkhluta eitt.
Í verkhluta þrjú voru bakteríur í neysluvatninu tegundagreindar með sameindalíffræðilegum aðferðum til að fá grunnupplýsingar um örveruflóruna og fjölbreytileika hennar í neysluvatninu frá Heiðmerkursvæðinu.
Helstu niðurstöður verkhluta eitt eru að þær íhlutandi aðgerðir sem gripið hefur verið til á síðustu áratugum hafa orðið til þess að örverufræðileg gæði neysluvatnsins hafa batnað til muna. Efni sem eru hættuleg heilsu manna hafa aldrei verið greind í neysluvatninu og hæsta mælda gildi á þungmálmum er aðeins 2,3% af hámarksgildi neysluvatnsreglugerðarinnar. Breytingar á styrk mismunandi efna yfir tímabilið er hverfandi þegar litið er á hvern sýnatökustað fyrir sig.
Í verkhluta tvö kom í ljós að heildargerlafjöldi hækkaði með meiri fjarlægð frá uppsprettu og auknu neysluvatnshitastigi. Einnig var neikvæð fylgni milli heildargerlafjölda og sýrustigs. Við samanburð á ætunum „PCA“ agar og „R2A“ agar kom í ljós að mun meiri örverufjöldi ræktaðist við „R2A“ agar.
Í verkhluta þrjú kom í ljós að fjölbreytileiki bakteríu fylkinga og ættkvísla er mikill í neysluvatninu. Algengasta bakteríufylkingin var Proteobacteria og þær ættkvíslir sem eru algengastar í neysluvatninu eru: Gallionella, Delftia, Enterobacter, Sphingomonas og Streptococcus.

Birting
16.3.2012


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
Hrólfur Sigurðsson... .pdf3,25MBOpinn Heildartexti PDF Skoða/Opna