Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/10956
Tilgangur rannsóknarinnar er að kanna upplifun og viðhorf sjúkraliða á Edenhjúkrunar-heimili út frá starfsumhverfi og væntingum þeirra til starfsins. Fjallað er um Edenhugmyndafræðina, fyrirmyndarvinnustaðinn og vinnustaðamenninguna, í tengslum við líðan og upplifun þeirra í starfi. Þetta er eigindleg rannsókn frá sjónarhorni fyrirbærafræðinnar. Tekin eru hálfstöðluð viðtöl við átta sjúkraliða sem starfa á Edenhjúkrunarheimili. Fimm meginþemu komu fram sem eru: álag, samskipti, stuðning, breytt hlutverk og stolt. Þátttakendur voru tilnefndir eftir snjóboltaúrtaki og störfuðu allir á sama hjúkrunarheimilinu.
Í niðurstöðum þessarar rannsóknar eru viðmælendur almennt ánægðir í starfi, þeir er ánægðir með vinnuna, sitt nánasta vinnuumhverfi, stoltir af heimilinu og ánægðir með yfirmenn og æðstu stjórnendur. Það sem helst dregur úr starfsánægjunni er léleg mönnun, skortur á fagmenntun hjá starfsfólki, breytt gildi og breytt verklag vegna nýrrar hugmyndafræði sem starfað er eftir á hjúkrunarheimilinu.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
lokaritgerð_13_12´11.pdf | 841.15 kB | Opinn | Heildartexti | Skoða/Opna |