ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>B.A./B.Ed./B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/11031

Titill

Heimildir til framsals ríkisvalds til alþjóðastofnana með sérstöku tilliti til Schengen-samstarfsins

Útgáfa
Apríl 2012
Útdráttur

Flestir hafa heyrt minnst á Schengen-samstarfið og vita ef til vill að í því er fólgin samvinna við landamæraeftirlit og vegabréfsáritanir. Fólk verður vart við áhrif þess þegar það ferðast inn og út úr landinu. Þegar Ísland varð þátttakandi í samstarfinu vakti það ekki mikla athygli í samfélaginu líkt og þegar EES-samningurinn var fullgiltur á sínum tíma. Skapaðist því ekki jafn hörð umræða um það hvort sú ákvörðun að ganga í Schengen fæli mögulega í sér framsal á ríkisvaldi í einhverju mæli. Í þessari ritgerð verður áhersla lögð á að skýra þær reglur sem gilda í íslenskri stjórnskipun um heimildir til framsals ríkisvalds til alþjóðastofnana. Í því samhengi verða helstu reglur stjórnarskrárinnar sem við þykja eiga teknar fyrir sem og tekið til athugunar hvort til sé óskráð meginregla um viðfangsefnið í íslenskum rétti. Þar að auki verður inntak hugtaksins fullveldi kannað og þýðing þess í tengslum við umfjöllunarefnið. Því næst verður tekið stuttlega til skoðunar hvað felst í Schengen-samstarfinu og hvaða afleiðingar það hafði fyrir Ísland að gerast þátttakandi í því. Verður í framhaldinu borið saman eðli samstarfsins fyrir og eftir að það var flutt undir stofnanaramma ESB. Að lokum verður sérstaklega skoðað að hvaða leyti Schengen-samstarfið fól í sér framsal á ríkisvaldi af hálfu Íslands og hví það þótti standast núverandi stjórnskipun. Verða við þá umfjöllun hafðar til hliðsjónar tvær álitsgerðir sem unnar voru í tengslum við samstarfssamning Íslands við Schengen og einnig þær röksemdir sem stuðst var við þegar EES-samningurinn þótti á sínum tíma standast gildandi stjórnskipunarlög. Ályktanir um viðfangsefnið verða síðan dregnar saman í samantekt.

Birting
13.4.2012


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
Heimildir til fram... .pdf463KBOpinn Heildartexti PDF Skoða/Opna