is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/11038

Titill: 
  • Mörkin milli 1. og 2. mgr. 218. gr. almennra hegningarlaga nr. 19/1940
Námsstig: 
  • Bakkalár
Leiðbeinandi: 
Útdráttur: 
  • Líkamsárásir eru algengar hér á landi og geta afleiðingar slíkra árása haft afdrifarík og varanleg áhrif á fórnarlömbin. Við heimfærslu slíkra brota undir refsiákvæði almennra hegningarlaga nr. 19/1940 er nauðsynlegt að líta bæði til afleiðinga árásar og þeirrar aðferðar sem beitt var.
    Markmið ritgerðarinnar er að leitast við að skilgreina mörkin milli 1. og 2. mgr. 218. gr. almennra hegningarlaga nr. 19/1940 (hér eftir hgl.) og þá helst með því að styðjast við dómaframkvæmd seinustu ára. Mörkin á milli málsgreinanna virðast vera að mótast, en þó má velta fyrir sér hvort þau séu nægilega skýr og fyrirsjáanleg. Getur brotamaður t.d. alltaf séð fyrir undir hvora þeirra háttsemi hans verður heimfærð? Skiptir huglæg afstaða brotamanns til verknaðarins höfuðmáli við heimfærslu brotsins eða eru tilviljunarkenndar afleiðingar lagðar henni að jöfnu?
    Aðaláherslan verður lögð á líkamlegar afleiðingar líkamsárása ásamt því að skoða hvaða áhrif það hefur á heimfærsluna þegar beitt er hættulegi aðferð og tækjum við árásina. Það getur haft úrslitaþýðingu við dómsúrlausn hvernig brotamaður beitir vopni við árásina. Leitast verður við að varpa ljósi á hvers eðlis líkamlegar afleiðingar þurfa að vera þannig að þær falli undir 1. eða 2. mgr. 218. gr. hgl. Einnig er álitamál hvaða skilyrði háttsemi þarf að uppfylla til að hún teljist svo hættuleg að hún geti fallið undir 2. mgr. 218. gr. hgl., án tillits til þess hvort hún hafi afdrifaríkar afleiðingar fyrir þolandann.
    Ritgerðin skiptist í fjóra meginkafla. Fyrst verður fjallað um hvernig líkamsárásarákvæði Íslandssögunnar hafa þróast í gegnum tíðina og gerð grein fyrir gildistöku almennra hegningarlaga nr. 19/1940.
    Í þriðja kafla verður fjallað almennt um 218. gr. hgl. og gerð grein fyrir breytingum sem gerðar voru á líkamsárásarákvæðum hgl. árið 1981. Einnig verða saknæmisskilyrði 218. gr. hgl. skýrð, en þau eru að nokkru leyti frábrugðin öðrum ákvæðum hgl. Því næst verður litið til flokkunar líkamsmeiðingabrota og greint frá því hvaða kröfur verði að uppfylla til að brot teljist sem meiriháttar líkamsárás sbr. 218. gr. hgl. en ekki minniháttar líkamsárás sbr. 217. gr. hgl.
    Í fjórða kafla verður leitast við að skilgreina mörkin á milli 1. og 2. mgr. 218. gr. hgl. Það verður gert með því að gera grein fyrir dómaframkvæmd og varpa ljósi á þá ríku dómvenju sem myndast hefur við heimfærslu líkamsárásarbrota. Litið verður til líkamlegra afleiðinga og hættulegrar aðferðar, en í því felst m.a. notkun hættulegra tækja og vopna. Að lokum verða niðurstöður ritgerðarinnar dregnar saman og ályktanir dregnar af dómaframkvæmd.

Samþykkt: 
  • 13.4.2012
URI: 
  • http://hdl.handle.net/1946/11038


Skrár
Skráarnafn Stærð AðgangurLýsingSkráartegund 
Elísa Björg Sveindóttir-prenteintak.pdf299.31 kBOpinnHeildartextiPDFSkoða/Opna