ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>Meistaraprófsritgerðir>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/11075

Titill

Stuðningur foreldra við nám framhaldsskólanema. Hvað vilja unglingarnir sjálfir?

Útgáfa
Október 2007
Útdráttur

Tilgangur rannsóknarinnar var að fá innsýn í hvernig unglingar í framhaldsskóla skynja þann stuðning í námi sem þau fá frá foreldrum sínum og hvers konar stuðning þau vilja að foreldrarnir veiti þeim. Mikilvægt er að unglingar í framhaldsskóla fái stuðning, meðal annars til að minnka líkur á brotthvarfi frá námi, og því er brýnt að vita hvað styður þau mest. Rannsóknin var unnin veturinn 2006-2007 með eigindlegum rannsóknaraðferðum. Tekin voru opin viðtöl við sex framhaldsskólanemendur á aldrinum 16-17 ára og einnig við tvo náms- og starfsráðgjafa í framhaldsskólum. Niðurstöður rannsóknarinnar leiddu í ljós að unglingunum fannst mikill styrkur að vita af áhuga foreldra sinna og fá þann námslega stuðning sem foreldrar eru færir um að veita hverju sinni. Einnig kom í ljós að unglingarnir vilja finna fyrir aðhaldi foreldra og að borin sé virðing fyrir því að námið sé þeirra vinna. Unglingarnir leggja mikla áherslu á sjálfstæði sitt en vilja jafnframt vita að þau eigi stuðning foreldranna vísan. Vonast er til að niðurstöðurnar nýtist foreldrum og forráðamönnum framhaldsskólanema til að hvetja og styrkja unglingana sína á árangursríkan hátt. Þær ættu einnig að vera gagnlegar fyrir náms- og starfsráðgjafa og nýtast þeim í samskiptum við foreldra.

Birting
23.4.2012


Skrár
NafnRaðanlegtStærðRaðanlegtAðgangurRaðanlegtLýsingHækkandiSkráartegund
MA-ritgerð Ernu.pdf525KBOpinn Heildartexti PDF Skoða/Opna