is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/11085

Titill: 
  • Allir eru vinir meðan vel gengur. Traust til helstu stofnana og embætta árin 2008, 2009 og 2012 greint eftir stjórnmálaskoðunum
Námsstig: 
  • Bakkalár
Útdráttur: 
  • Í þessarri ritgerð er athugað hvort munur sé á trausti stuðningsmanna hægri og vinstri flokka til helstu stofnana og embætta á Íslandi. Einnig er skoðað hvernig traust hefur þróast í kjölfar efnahagshrunsins í október 2008 og hvar það stendur í febrúar árið 2012. Megintilgáta rannsóknarinnar er að kjósendur hægri flokka treysti almennt stofnunum samfélagsins betur en kjósendur vinstri flokka. Efnahagshrunið olli því að traust til flestra stofnana samfélagsins minnkaði en í ljósi þeirra kenninga sem greint er frá í inngangi, má reikna með að kjósendur hægri flokka séu fyrr en kjósendur vinstri flokka til þess að treysta stofnunum á nýjan leik. Þetta mun þó ekki eiga við um stofnanir sem eru beintengdar ríkisstjórninni. Helstu kenningar sem tilgátan byggir á eru kenningin um réttlætingu kerfisins sem er upprunnin úr félagslegri sálfræði og kenningar um pólitískt traust en sýnt er fram á tengingu réttlætingar kerfisins og trausts. Rannsóknin byggir á gögnum sem fengin voru frá Capacent Gallup en fyrirtækið kannar meðal almennings traust til helstu stofnana í febrúar ár hvert. Notast var við gögn úr rannsóknum frá árinu 2008, 2009 og 2012 en var t-prófi beitt til þess að athuga hvort marktækur munur væri á meðaltölum hægri og vinstri flokka. Tilgátan fékk nokkurn stuðning árið 2008, minni stuðning 2009 og átti ekki við árið 2012. Í ljós kom að hugsanlega tengja kjósendur allar stofnanir við ríkisstjórnina því traust stuðningsmanna vinstri flokka hefur aukist árið 2012 til allra stofnana, bæði pólitískra og ópólitískra. Traust mælist enn lágt í öllum flokkum og ljóst er að efnahagshrunið risti djúpt í viðhorf almennings til stjórnvalda.

Samþykkt: 
  • 25.4.2012
URI: 
  • http://hdl.handle.net/1946/11085


Skrár
Skráarnafn Stærð AðgangurLýsingSkráartegund 
BAritgerd_HrefnaRosMatthiasdottir.pdf1.21 MBOpinnHeildartextiPDFSkoða/Opna

Athugsemd: Skráin er læst að beiðni Capacent Gallup. (Læst til 24.4.2015)