ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>B.A./B.Ed./B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/11131

Titill

Áhrif olíuvinnslu á hagkerfi Íslands: Ráðstöfun ónýttra auðlinda

Útgáfa
Apríl 2012
Útdráttur

Ritgerð þessi fjallar um áhrif olíuvinnslu á hagkerfi Íslands ef til þess kemur að olía finnist hér við land og hvernig stjórnvöld geti hámarkað heildarhag þjóðarinnar af slíkum auðlindum. Sterkar vísbendingar hafa komið fram um að jarðefnaeldsneyti geti verið að finna undir hafsbotni á Drekasvæðinu við norð-austurmörk efnahagslögsögunnar. Ljóst er að íslensk stjórnvöld verða að marka sér stefnu um hvernig haga beri vinnslu og ráðstöfun tekna sem kynnu að skapast. Tæpt er létt á jarðfræðilegum atriðum sem nauðsynleg eru til að forsvarsmenn olíufyrirtækja geti myndað sér skoðun á líkindum til olíufundar en einnig er saga umræðu olíuvinnslu á Íslandi rakin. Útlistað er hvernig útboðsmálum varðandi rannsóknir og vinnslu er háttað og forsendur þess að fyrirtæki sjái sér hag í að taka þátt í þessum útboðum metnar. Í því skyni eru bæði áhrif skatta metin og nægileg líkindi til þess að borað sé niður á olíulind könnuð. Fari svo að olía finnist er nauðsynlegt að fyrir liggi áætlanir af hálfu ríkisins um hvernig auðnum verði varið. Í því skyni eru þjóðahagsmælingar frá löndum heims skoðaðar með tilliti til þess hversu hátt hlutfall landsframleiðslu er rakið til vinnslu jarðefnaeldsneytis. Sér í lagi eru skoðuð dæmi um úrvinnslu tveggja landa, Noregs og Afríkuríkisins Tsjad sem farið hafa sitt hvora leiðina í ráðstöfun auðlinda með misjöfnum árangri. Þá eru gefnar forsendur til að reikna út mögulegar tekjur íslenska ríkisins, fjárfesta, þjóðarinnar og erlendra aðila. Þeim forsendum er stungið inn í líkan sem þróað er í seinni hluta ritgerðarinnar en með því fæst tillaga að áhrifum olíuvinnslu á hagkerfi Íslands.

Birting
27.4.2012


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
BS-ritgerð (Vignir... .pdf760KBOpinn Heildartexti PDF Skoða/Opna