is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/11139

Titill: 
  • Er CAPM góð leið til að meta fyrirhugaðar fjárfestingar?
Námsstig: 
  • Bakkalár
Leiðbeinandi: 
Útdráttur: 
  • Hagfræðingar hafa löngum notast við ýmis konar líkön til þess að skýra umheiminn og til að reyna að koma reglu á alla óreiðuna sem í honum felst. Fjármálaheimurinn hefur ekki orðið útundan í þeim tilraunum, en upp úr miðri tuttugustu öldinni spruttu fram fjölmörg líkön þar sem höfundar þeirra leituðust við að skýra ýmislegt út. Einna helst var þeim verðlagning hugleikin, meðal annars á eignum, valréttum og öðrum fjármálagerningum. Í grein sinni frá árinu 1952, Portfolio Selection, lagði Harry Markowitz fram margar af grunnkenningunum sem notaðar eru við mat á virði eigna og um það samband sem ríkir á milli ávöxtunar og áhættu í huga hins skynsama fjárfestis. Einnig færir hann rök fyrir því að best sé fyrir fjárfesta að geyma eignir í vel, og rétt, dreifðum eignasöfnum.
    Capital Asset Pricing Model líkanið, er líkan sem byggir á þessum kenningum Markowitz en kapphlaup varð í upphafi sjöunda áratugarins við að koma fram með líkan sem gæti sagt til um hvaða ávöxtunarkröfu skyldi gera til eignar miðað við áhættu hennar. William Sharpe var fyrstur til að koma fram með grein um CAPM líkanið, en hann er oftast sagður höfundur þess, ásamt þeim John Lintner og Jan Mossin.
    Eins og hagfræðingar hafa gjarnan gert, gáfu þeir félagar sér ýmsar forsendur í þeim tilgangi að einfalda hann svo auðveldara væri að spá fyrir um framtíðina. Þessar forsendur hafa löngum þótt vera full mikið á skjön við raunveruleikann og hefur líkanið sætt töluverðri gagnrýni, en það þykir einnig ekki standast þær tilraunir sem eru gerðar með það nægjanlega vel.
    Í ritgerð þessari verður fjallað um líkanið sjálft og þær kenningar og forsendur sem liggja að grundvelli þess. Einnig verður farið yfir kosti líkansins, þá gagnrýni sem komið hefur fram á það auk notkunar þess í dag ásamt ýmsum framlengingum sem gerðar hafa verið á líkaninu.

Samþykkt: 
  • 27.4.2012
URI: 
  • http://hdl.handle.net/1946/11139


Skrár
Skráarnafn Stærð AðgangurLýsingSkráartegund 
Hlynur_Magnusson_BS (2).pdf622.78 kBOpinnHeildartextiPDFSkoða/Opna