Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/11218
Innflytjendum hefur fjölgað mikið á Íslandi síðasta áratuginn. Ísland er þó ekkert einsdæmi hvað þetta varðar. Hnattvæðing, þverþjóðlegar reglugerðir, hið kapítalíska hagkerfi og ýmis vandamál hafa leitt til þess að fólk leggur í auknum mæli land undir fót og leitar atvinnu eða hælis í öðrum löndum. Þegar fjöldi fólks frá ólíkum löndum flyst til þjóðríkja sem áður einkenndust af menningarlegri einsleitni vakna ýmsar spurningar. Hérlendis hefur mikið verið rætt um hvernig best sé að koma til móts við þetta fólk, hvaða kröfur eigi að gera til þess og hvaða atriði eigi að leggja mesta áherslu á við mótun pólitískrar stefnu í innflytjendamálum. Rætt hefur verið hvort Ísland eigi að verða fjölmenningarlegt samfélag, hvað myndi felast í því og hvort það krefjist endurskoðunar á ímynd þjóðarinnar. Þessi mál verða tekin til umfjöllunar í þessari ritgerð. Ræddar verða kenningar tengdar fjölmenningu, þjóðríkinu, fólksflutningum og innflytjendamálum. Fjallað verður um hvort innflytjendur ógni einingu samfélagsins og velferðarríkinu og tekin til þess afstaða. Staða Íslands verður skoðuð í fræðilegu ljósi og sérstök áhersla lögð á mikilvægi tungumálanáms. Stefna stjórnvalda hérlendis verður borin saman við stefnu stjórnvalda í Svíþjóð og Danmörku, íhugað hvort aðstæður hér og þar séu sambærilegar og hvort Ísland ætti að taka stefnumótun þeirra sér til fyrirmyndar.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
skemman BA ritgerd.pdf | 404.61 kB | Opinn | Heildartexti | Skoða/Opna |