Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/11227
Brottfall arðsamra viðskiptavina er einhver mesta ógn sem að hverju fyrirtæki steðjar. Það er því hverju fyrirtæki mikilvægt að halda sínum arðsömu viðskiptavinum sem lengst í viðskiptum. Þessi rannsókn kannaði hverjir væru helstu áhrifaþættir á þá ákvörðun viðskiptavina að skipta um internetþjónustuaðila. Skoðað var sex mánaða tímabil, frá september 2011 til mars 2012. Rannsóknarspurningin var: Hvaða þættir hafa áhrif til brottfalls meðal viðskiptavina hjá íslenskum internetþjónustum?
Helstu niðurstöður voru að oftast voru tvær eða fleiri ástæður sem lágu að baki brottfalli. Meðal þess sem oftast var nefnt var kostnaður, tæknivandamál, viðbrögð við þjónustufalli, samskiptavandamál og aðgengi að þjónustuaðila. Það markverðasta var að þeir þættir sem viðskiptavinir nefndu oftast sem áhrifaþætti brottfalls voru allir á hendi þjónustuaðilanna sjálfra að bæta úr og því möguleg tækifæri til úrbóta fyrir þá sem starfa á internetþjónustumarkaði.
Niðurstöður voru í samræmi við aðrar rannsóknir, þó að hlutföll hafi ekki endilega verið þau sömu og komu fram í öðrum rannsóknum.
Í verkefninu var sagt frá skilgreiningum á brottfalli og rannsóknum á sviði brottfalls. Dregnir fram þeir þættir sem taldir eru hafa áhrif á brottfall úr viðskiptum. Sagt frá líkani um ástæður brottfalls og lauslega greint frá leiðum til að spá fyrir um brottfall.
Ítarlega var sagt frá tryggð og skilgreiningum á henni. Sagt frá áhrifaþáttum tryggðar og mögulegum leiðum til auka tryggð. Einnig var sagt frá leiðum til að meta virði langtíma viðskiptasambanda.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Skipt um internetþjónustuaðila - helstu áhrifaþættir brottfalls.pdf | 779.05 kB | Opinn | Heildartexti | Skoða/Opna |