ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>Meistaraprófsritgerðir>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/11269

Titill

Stafur á bók – stafur á skjá. Þróun og framtíð námsefnisútgáfu fyrir framhaldsskóla á Íslandi.

Útgáfa
Júní 2012
Útdráttur

Viðfangsefni þessarar ritgerðar var annars vegar að greina veltuþróun þriggja stærstu útgáfufyrirtækjanna á framhaldsskólamarkaði á Íslandi á árunum 2001-2010 og hins
vegar að leggja fram tillögu að stafrænni lausn á vanda bókaútgáfu fyrir skólastigið. Við öflun upplýsinga var leitað fanga hjá bókaútgefendum, bóksölum, menntamálaráðuneyti,
framhaldsskólum og öðrum hagsmunaaðilum.
Undanfarin ár hefur námsefnisútgáfa fyrir framhaldsskóla á Íslandi átt í vök að verjast. Útgefnum titlum hefur fækkað, nauðsynleg endurnýjun námsefnis hefur ekki átt sér stað
og endurnýting notaðra bóka hefur aukist til muna, auk þess sem fjölfaldað og skannað námsefni er notað í auknum mæli í framhaldsskólum landsins.
Helstu niðurstöður ritgerðarinnar eru þær að velta tveggja stærstu útgefendanna hefur minnkað stórlega að raungildi á áðurnefndu árabili á meðan að sá þriðji jók hlut sinn í
byrjun en stóð í stað undir lokin. Þetta gerðist þrátt fyrir að nemendum hafi fjölgað mikið á árabilinu sem rannsóknin náði yfir. Ef fram heldur sem horfir má leiða að því líkum að námsefnisútgáfa leggist af í þeirri mynd sem verið hefur.
Erlendis hefur notkun opins menntaefnis (e. Open Educational Resources) aukist á undanförnum árum, einna helst í æðri menntastofnunum en einnig á öðrum skólastigum þar sem Hollendingar hafa verið fremstir í flokki. Það sem helst kemur í veg fyrir notkun slíks efnis er hefðbundinn höfundaréttur, en forsenda opins menntaefnis er að höfundar afsali sér höfundarétti að hluta eða skrái efnið með opnu höfundaleyfi. Gerð er ítarleg
grein fyrir þessu í ritgerðinni.
Lögð er fram tillaga að stafrænni lausn sem miðar að því að færa núverandi námsefni yfir í rafrænt form sambærilegt við opið menntaefni. Tekið yrði upp „námsefnisgjald“ þar sem nemendur greiða fyrir hverja þreytta framhaldsskólaeiningu, gegn opnum aðgangi að öllu námsefni á Netinu. Ef rétt er að farið ætti lausnin að verða öllum til hagsbóta með lægri kostnaði fyrir námsfólk, bættri afkomu útgefenda, betra námsefni fyrir kennara og
nemendur og betri menntun fyrir alla, án aukakostnaðar fyrir hið opinbera.

Birting
3.5.2012


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
MS ritgerd Erling.pdf843KBOpinn Heildartexti PDF Skoða/Opna
MS ritgerd kapa.pdf260KBOpinn Forsíða PDF Skoða/Opna