is Íslenska en English

Lokaverkefni (Meistara)

Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/11289

Titill: 
  • Fasteignamarkaður í upphafi 20. aldar. Húsnæðisverð í Reykjavík 1900-1932
Námsstig: 
  • Meistara
Leiðbeinandi: 
Útdráttur: 
  • Fyrri hluti 20. aldar var áhugavert tímabil í sögu Reykjavíkur þar sem þéttbýli tók fyrst að myndast þar um aldamótin 1900. Íbúafjöldi Reykjavíkur fimmfaldaðist á fyrstu 32 árum aldarinnar og óx bærinn samhliða hinni miklu fólksfjölgun.
    Upphaf fasteignamarkaðar í Reykjavík má rekja til upphafs 20. aldar en á árinu 1900 hóf Veðdeild Landsbankans starfsemi sem markaði tímamót í útlánastarfsemi til fasteignakaupa og bygginga. Með stofnun Veðdeildar var fyrst farið að lána til langs tíma með hagstæðum kjörum til fasteignakaupa og bygginga. Elstu gögn yfir virði fasteigna Reykjavíkur eru frá árinu 1919 en þá var í fyrsta sinn gerð allsherjarúttekt og verðmat á fasteignum bæjarins.
    Í rannsókn þessari er fasteignamarkaður í Reykjavík á fyrstu 32 árum 20. aldar skoðaður og greindur. Rannsóknin byggir á gögnum um fasteignamat frá tímabilinu og er gert ráð fyrir að gögnin endurspegli markaðsverð. Leitast er við að skoða hvaða þættir höfðu áhrif á fasteignaverð, hvort staðsetning hafi haft áhrif á lóðaverð og hver þróun fasteignaverðs var á tímabilinu. Smíðað hefur verið líkan til að lýsa áhrifum gæðaþátta á fasteignaverð og áhrifum staðsetningaþátta á lóðaverð. Niðurstöður sýna að meðalfasteignaverð rúmlega þrefaldaðist á tímabilinu og lóðaverð fimmfaldaðist. Einnig hefur verið sýnt fram á að allir þeir gæðaþættir sem prófaðir voru höfðu marktæk áhrif á fasteignaverð ásamt því að staðsetning hafði marktæk áhrif á lóðaverð.

Samþykkt: 
  • 3.5.2012
URI: 
  • http://hdl.handle.net/1946/11289


Skrár
Skráarnafn Stærð AðgangurLýsingSkráartegund 
120502 master.pdf1.15 MBOpinnHeildartextiPDFSkoða/Opna