is Íslenska en English

Lokaverkefni (Bakkalár)

Háskólinn á Akureyri > Viðskipta- og raunvísindasvið > B.S. verkefni >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/1128

Titill: 
  • Efnahagsleg staða fjölskyldna á Akureyri og í Reykjavík
Námsstig: 
  • Bakkalár
Útdráttur: 
  • Á undanförnum áratugum hefur sífellt meira farið fyrir umræðu um velferð fjölskyldna og fólk er að átta sig á því að fjölskyldan er mikilvægur hluti í íslensku samfélagi. Það sem minnst hefur borið á í þessari umræðu eru málefni fjölskyldna utan Reykjavíkur og höfuðborgarsvæðisins. Á Íslandi eru nánast engar samanburðarkannanir á lífskjörum og lífsgæðum fjölskyldna til nema að það eigi við Reykjavík eða höfuðborgarsvæðið í samanburði við landsbyggðina. Slíkar kannanir gefa oft á tíðum ekki raunhæfa mynd af lífsgæðum og lífskjörum vegna þess að á landsbyggðinni eru misstór búsetusvæði. Smærri byggðarlög draga oft úr betri áhrifum stærri byggðarlaga.
    Í þessari rannsókn var sjónum beint að fjögurra manna fjölskyldum á Akureyri og í Reykjavík. Gerð er samanburðarrannsókn á lífskjörum og lífsgæðum fjölskyldna á búsetusvæðunum tveimur.
    Við greiningu gagna var beitt samanburðaraðferð. Gögnin voru skoðuð og borin saman meðan á rannsókninni stóð.
    Markmið rannsóknarinnar er að rannsaka hvort munur er á efnahagslegum lífskjörum og lífsgæðum fjögurra manna fjölskyldna á Akureyri og í Reykjavík.
    Rannsóknarspurning verkefnisins er:
    Er munur á efnahagslegri stöðu fjölskyldna á Akureyri og í Reykjavík.
    Settar voru fram þrjár rannsóknarspurningar sem leiða verkefnið:
    Hverjar eru helstu forsendur fjárhagslegrar afkomu fjögurra manna fjölskyldu?
    Eru ráðstöfunartekjur hærri í Reykjavík en á Akureyri?
    Hvort sveitarfélagið er eftirsóknarverðara í efnahagslegu tilliti?
    Helstu niðurstöður rannsóknarinnar eru:
    Ráðstöfunartekjur fjölskyldna í Reykjavík eru nokkuð hærri en á Akureyri.
    Forsendur fjárhagslegrar afkomu fjögurra manna fjölskyldna er að lágmarki um 280.000 krónur á mánuði í ráðstöfunartekjur. Er þá aðeins miðað við þann lágmarksframfærslukostnað sem ætlað er til að fjölskyldan geti framfleytt sér. Slíkar aðstæður liggja hvað næst mörkum þess að hafa ekki nóg vegna skorts og fátæktar.
    Í efnahagslegur tilliti þá er Reykjavík eftirsóknarverðari til búsetu.
    Að lokum má segja að atvinnuuppbyggingu á Akureyri þarf að halda áfram að styrkja vegna samkeppnisstöðu við Reykjavík. Það er grundvallaratriði fyrir Akureyri að þar sé arðsöm atvinnuuppbygging og að hún taki mið af líklegri atvinnuþróun í framtíðinni, svo hægt sé að taki við því vinnuafli sem kemur á vinnumarkað á næstu árum.
    Lykilorð:
    Fjölskyldur,
    Framfærslukostnaður,
    Fjárhagsstaða,
    Lífsgæði/Lífskjör,
    Samanburður.

Athugasemdir: 
  • Verkefnið er opið nemendum og starfsfólki Háskólans á Akureyri
Samþykkt: 
  • 1.1.2004
URI: 
  • http://hdl.handle.net/1946/1128


Skrár
Skráarnafn Stærð AðgangurLýsingSkráartegund 
efnahagsleg.pdf740.12 kBTakmarkaðurEfnahagsleg staða fjölskyldna á Akureyri og í Reykjavík - heildPDF
efnahagsleg_e.pdf147.7 kBOpinnEfnahagsleg staða fjölskyldna á Akureyri og í Reykjavík - efnisyfirlitPDFSkoða/Opna
efnahagsleg_h.pdf124.94 kBOpinnEfnahagsleg staða fjölskyldna á Akureyri og í Reykjavík - heimildaskráPDFSkoða/Opna
efnahagsleg_u.pdf179.39 kBOpinnEfnahagsleg staða fjölskyldna á Akureyri og í Reykjavík - útdrátturPDFSkoða/Opna