ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>B.A./B.Ed./B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/11296

Titill

Úthlutun aflaheimilda í makrílveiðum. Hafa reglugerðir um makrílveiðar rýrt hagkvæmni?

Útgáfa
Júní 2012
Útdráttur

Viðfangsefni þessarar ritgerðar er hagkvæmni makrílveiða við Ísland, með áherslu á úthlutun aflaheimilda. Í makrílveiðum, sem eru nýtilkomnar við Ísland, hefur verið horfið frá aflakvótakerfinu og úthlutun kvóta á grundvelli veiðireynslu. Í staðinn hefur kvóta verið úthlutað að hluta til eftir veiðireynslu, en að öðru leyti hafa nærri því öll fiskveiðiskip fengið einhvern kvóta og leyfi til makrílveiða, óháð því hvort þau séu gerð til þess að veiða uppsjávarfisk eins og makríl. Einnig hefur úthlutun aflaheimilda verið á ársgrundvelli og framsal kvóta hefur verið miklum takmörkunum háð. Skoðað er fræðilega hvernig hagkvæmast sé að stýra fiskveiðum og er niðurstaðan í takt við það sem margir hagfræðingar eru sammála um, þ.e. að aflakvótakerfi sé hagkvæmasta form fiskveiðistjórnunar og upprunaleg úthlutun á grundvelli veiðireynslu sé líklega hagkvæmust. Af þessu má draga þá ályktun að makrílveiðar við Ísland hafi ekki verið eins hagkvæmar og unnt hefði verið síðustu ár. Til að kanna betur sannleiksgildi þeirrar ályktunar voru rannsökuð bókhaldsgögn nokkurra sjávarútvegsfyrirtækja frá 2011 auk annarra upplýsinga sem liggja fyrir. Að gefnum þeim forsendum sem stuðst er við, lítur út fyrir að tapaður hagnaður í makrílveiðum árið 2011 hafi verið um 1,5 milljarðar króna. Ennfremur gæti samfélagslegt tap árin 2010 – 2011 hafa numið allt að 4 milljörðum króna. Skýringin felst fyrst og fremst í því að vegna frávika frá aflakvótakerfinu og mikillar miðstýringar, getur markaðurinn ekki komið á hagkvæmasta fyrirkomulagi til að veiða hinn takmarkaða makrílkvóta.

Birting
3.5.2012


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
BS-KonradG-FINAL.pdf1,32MBOpinn Heildartexti PDF Skoða/Opna