is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/11302

Titill: 
  • Húsmæður og launakonur. Ímynd og sjálfsmynd japanskra kvenna og samanburður við Ísland
Námsstig: 
  • Bakkalár
Útdráttur: 
  • Japanskar konur hafa vissulega lagalegan rétt á launaðri vinnu en hefðbundnar hugmyndir um hlutverk konunnar er það sem aftrar þeim frá því að geta sinnt slíkri vinnu. Þessi ritgerð fjallar um staðalímyndir japanskra kvenna og hvernig þær hafa áhrif á stöðu þeirra á vinnumarkaðnum og hvernig þær takast á við þessa stöðu sína.
    Það verður farið stuttlega yfir stöðu kvenna á japönskum vinnumarkaði eins og hún er með stuttum samanburði við Ísland, einkum á sjöunda og áttunda áratugnum, þegar staða íslenskra kvenna var einna líkust stöðu japanskra kvenna nú. Uppbyggingu japanska sjálfsins verður lýst út frá hlutverkum og skyldum sem fólk gegnir gagnvart samfélaginu. Áhrifin sem staðalímynd japönsku konunnar og hennar menningarbundnu hlutverk hafa á stöðu konunnar á vinnumarkaðnum verða tekin fyrir. Fjallað verður um það hvernig menningarlegt hlutverk konunnar skarast á við raunverulegar þarfir hennar og hvernig öll þau mismunandi viðhorf fólks og yfirvalda þrýsta á konur í fleiri en eina átt, án þess að gera þeim valið auðveldara.
    Það verður fjallað um það hvernig konur þurfa að taka upp karlmannssjálf ef þær vilja góða vinnu. Minnst verður á það hvernig það nýtist japönskum konum að öðru leyti að sinna áframhaldandi móðurhlutverki á vinnustaðinn. Samanburður við Ísland skýtur upp kollinum af og til í gegnum ritgerðina en sérstaklega í þessu samhengi. Mismunandi viðhorf kvenna til síns menningarlega bundna hlutverks verða tekin fyrir, í báðum löndum, því konur eru ekki einsleitur hópur meða eina skoðun og eitt álit. Sitt þykir hverri um húsmóðurhlutverkið. Upp úr því kemur hin japanska millistéttar-atvinnuhúsfreyja til sögunnar, staðalímynd hinnar fullkomnu konu og það hvernig japanskar konur takast á við það að uppfylla ekki þær kröfur sem staðalímyndum fylgja á hefðbundinn hátt. Lítill þáttur karla í heimilisverkum verður einnig nefndur.
    Japanskar konur eru þess full meðvitaðar hvaða fríðindi þær fara á mis við vegna hallandi stöðu sinnar á vinnumarkaðnum en það sést einnig að þær njóta frelsisins sem þeim gefst í staðinn. Ýmislegt kemur í ljós sem bendir til þess að sú hugmynd að konum sé síður treystandi til vinnu en körlum sé á rökum reist en ástæðurnar reynast aðrar en staðlaðar hugmyndir segja til um.
    Að lokum verður almennur samanburður á stöðu kvenna á vinnumarkaði Japans dagsins í dag við stöðu kvenna á vinnumarkaðnum á Íslandi 1970-1980.
    Þær spurningar sem reynt verður að svara eru eftirfarandi, með rannsóknarspurninguna aftast:
    Hversu rétt er hin staðlaða ímynd japönsku konunnar? Byggist hún á raunverulegum aðstæðum nútímakvenna í Japan? Hvað finnst konunum sjálfum, finnst þeim þetta lýsa daglegu lífi venjulegrar konu? Hvernig er raunveruleg staða kvenna lík eða frábrugðin þessari staðalímynd? Hver er sjálfsmynd japanskra kvenna og hvernig rímar hún við félagslegan og menningarlegan veruleika þeirra? Og hvernig er samanburðurinn við Ísland?

Samþykkt: 
  • 3.5.2012
URI: 
  • http://hdl.handle.net/1946/11302


Skrár
Skráarnafn Stærð AðgangurLýsingSkráartegund 
Solveig K. - Húsmæður og launakonur.pdf814.91 kBOpinnHeildartextiPDFSkoða/Opna