ÍslenskaenEnglish

Aðilar að Skemmunni

Leit eftir:


LokaverkefniHáskólinn á Akureyri>Viðskipta- og raunvísindasvið>B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/1132

Titill

Konur í frumkvöðlastarfsemi

Útdráttur

þessu verkefni, sem fjallar um frumkvöðla, er sérstaklega fengist við að
skoða konur í frumkvöðlastarfsemi. Gerð er könnun meðal kvenna sem
sótt hafa námskeiðið Brautargengi hjá Impru. Tilgangur könnunarinnar
er að athuga hvort einhver munur sé á hugmyndum kvenna til
atvinnurekstrar og á menntun þeirra, á landsbyggðinni annarsvegar og á
höfuðborgarsvæðinu hinsvegar.
Í fyrsta kafla er farið stutt yfir stöðu kvenna á vinnumarkaði með því að
skoða mun á launum kynjanna og kynjahlutfall í æðstu stjórnunarstöðum
fyrirtækja. Í öðrum kafla er fjallað um skilgreiningu á hugtakinu
frumkvöðull og hver helstu einkenni frumkvöðla eru. Farið er yfir helstu
niðurstöður um íslenska frumkvöðlastarfsemi á árinu 2006, sem teknar
eru saman í alþjóðlegri samanburðarskýrslu og fjallað um það sem helst
einkennir íslenskar konur í frumkvöðlastarfsemi. Farið er yfir þann
stuðning sem konum býðst sérstaklega fram yfir karla, ef þær eru í eða
að hefja atvinnustarfsemi og eitt af því er námskeiðið Brautargengi, sem
Impra heldur fyrir konur. Fjallað er um námskeiðið og það sem þar fer
fram. Í kafla 6 er leitast við að skýra markmið og tilgang könnunarinnar
sem náði til úrtaks kvenna sem sótt höfðu Brautargengi á árunum 2003-
2006. Helstu niðurstöður eru þær að ekki er munur á hugmyndum
kvenna til atvinnurekstrar sama hvar þær eru á landinu. Flestar eru
konurnar að reka mjög fámenn fyrirtæki sem þær eiga einar. Almennt
eru konurnar mjög ánægðar með námskeiðið og telja að það komi sér vel
að hafa setið það. Það er hinsvegar munur á menntun þeirra kvenna sem
sækja námskeiðið frá höfuðborgarsvæðinu og landsbyggðinni. Fleiri
konur á höfuðborgarsvæðinu hafa háskólamenntun og mun hærra
hlutfall landsbyggðarkvenna hefur einungis gagnfræðarpróf.
Lykilorð: Konur, Brautargengi, frumkvöðlar, menntun,
frumkvöðlastuðningur

Athugasemdir

Verkefnið er opið frá og með 30. maí 2012

Birting
1.1.2007


Skrár
NafnRaðanlegtStærðRaðanlegtAðgangurRaðanlegtLýsingHækkandiSkráartegund
ks_lokaritgerd_2.pdf1,85MBOpinn Konur - heild PDF Skoða/Opna