is Íslenska en English

Lokaverkefni (Meistara)

Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/11351

Titill: 
  • Viðskiptabankaþjónusta á Íslandi í kjölfar bankahruns. Samkeppnishæfni / samkeppnisgreining
Námsstig: 
  • Meistara
Útdráttur: 
  • Viðskiptabankaþjónusta hefur verið mikið til umræðu á Íslandi á undanförnum misserum. Þegar íslenska fjármálakerfið hrundi haustið 2008 fór af stað atburðarás sem varð til þess að yfirvöld þurftu að hafa sig öll við að halda uppi eðlilegri fjármálaþjónustu.
    Upphafið af þessu má rekja til Bandaríkjanna, þar sem lausafjárskortur leiddi til falls Lehman Brothers í september 2008. Fjármálakreppan sem fylgdi í kjölfarið hefur haft gríðarleg áhrif um allan heim og ekki síst í Evrópu. Á Íslandi hafði bankahrunið gríðarlega alvarleg áhrif á efnahag landsins. Bankarnir hafa nú verið endurreistir, en starfsumhverfi þeirra er gjörbreytt frá því sem var fyrir bankahrunið. Viðskiptabankaþjónusta felur í grunninn í sér móttöku innlána og veitingu útlána.
    Í rannsókninni verður leitast við að svara því hvernig viðskiptabankaþjónusta muni þróast á næstu 3-5 árum. Verður kastljósinu varpað á ytra umhverfið þar sem fimm krafta líkan Porters verður nýtt til að rannsaka ytra nærumhverfi, það er ógn af nýjum keppinautum, samningsmætti birgja, samningsmætti kaupenda, ógn af staðkvæmdarvörum og samkeppni núverandi keppninauta. Við greiningu á ytra fjærumhverfi verða efnahagslegir og stjórnmálalegir þættir PESTLE líkansins greindir, auk þáttanna í demanti Porters.
    Rauði þráðurinn í niðurstöðunum er að þátttakendur telja að stjórnmálalegir þættir skapi of mikla óvissu fyrir viðskiptabankaþjónustu og valdi þar með skaða. Skattahækkanir voru nefndar sérstaklega í því sambandi. Skiptar skoðanir voru um þróun efnahagslífs, sumir þátttakendur töldu það vera á réttri leið meðan aðrir bentu á atvinnugreinar sem ættu mjög erfitt uppdráttar. Þátttakendum þótti almennt líklegt að frekari samningar væru framundan á viðskiptabankamarkaði, þótt ekki væri líklegt að einhverjir hinna þriggja stóru rynnu saman. Ekki þótti teljandi ógn af staðkvæmdarvörum fyrir útlán, en valkostir við innlán banka þóttu talsverðir og ógnin þar með meiri. Samningsstyrkur kaupenda er ekki mikill miðað við núverandi aðstæður, þar sem framboð af lánsfé er takmarkað, innlánsvextir lágir og fátt um valkosti á markaðnum. Samningsstyrkur birgja er misjafn, staða endurskoðenda og lögfræðinga er áfram talsverður, en líklegt er að ráðgjafar muni eigi erfiðara um vik þegar frá bankahruni líður og fyrirtækin fara að taka ráðgjafaverkefnin í meira mæli inn í hús.

Samþykkt: 
  • 3.5.2012
URI: 
  • http://hdl.handle.net/1946/11351


Skrár
Skráarnafn Stærð AðgangurLýsingSkráartegund 
Jón Steindór Árnason - lokaverkefni M.Sc. Viðskiptafræði HÍ.pdf1.56 MBOpinnHeildartextiPDFSkoða/Opna

Athugsemd: Undirtitill á forsíðu: Greining á rekstrarumhverfi. Tilviksgreining