Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/11459
Meginmarkmið ritgerðarinnar eru að gera grein fyrir úrvinnslukenningu Pienemanns, að setja upp tilgátu eða stigveldisspá um tileinkun íslensku á grundvelli kenningarinnar og að prófa þann hluta tilgátunnar sem varðar fallaúthlutun.
Áður en kenningin sjálf er rædd og skýrð er saga annarsmálsfræðanna rakin í stuttu máli í því skyni að undirbúa jarðveginn fyrir þær hugmyndir og þau hugtök sem liggja að baki úrvinnslukenningu Pienemanns. Hugfræðin fær þar mest rými þar sem kenningin flokkast undir hefð hugfræðinnar. Þá er gerð grein fyrir fræðilegum bakgrunni kenningarinnar og fjallað um þær tvær kenningar sem Pienemann leggur til grundvallar í kenningu sinni; málframleiðslulíkan Levelts og hlutverkamálfræðina.
Settar eru fram tvær stigveldisspár fyrir íslenskt millimál á grunni úrvinnslukenningarinnar og rannsókna innan hennar, auk umræðu um föll í íslensku. Þessar spár eru sannreyndar með niðurstöðum á rannsókn á fallatileinkun í íslensku sem öðru máli. Niðurstöðurnar eru ræddar í samhengi við aðrar rannsóknir innan kenningarinnar og rannsóknir á föllum í íslensku.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Hugvisindasvid_forsida_ritgerda.pdf | 29.01 kB | Opinn | Forsíða | Skoða/Opna | |
Hugvisindasvid_titilsida_ritgerda.pdf | 6.41 kB | Opinn | Titilsíða | Skoða/Opna | |
ma-ritgerd.pdf | 1.29 MB | Opinn | Meginmál | Skoða/Opna |