ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Hugvísindasvið>B.A. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/11533

Titill

Þróun kabuki-leiklistar í sögulegu ljósi

Útgáfa
Maí 2012
Útdráttur

Í þessari ritgerð er farið yfir þróun kabuki gegnum aldirnar. Það virðist vera að kabuki-leikararnir séu þeir sem hafi haft hvað mest áhrif á þróunina, en síðan eru einnig utanaðkomandi áhrif. Sagan er löng og þróunin mikil á fyrstu stigum kabuki.
Kabuki er gamalt japanskt leiklistarform og í dag eru það karlmenn og ungir strákar sem fara bæði með karl- og kvenhlutverkin, þó svo að kona hafi verið upphafsmaður þess. Kabuki var upprunalega leikhús fjöldans og setti upp nýstárlegar sýningar sem voru oft byggðar á sönnum, nýlegum atburðum. Á undanförnum árum hefur þróunin verið lítil og meira lagt upp úr því að endurgera eldri sýningar. Hér ígrundar höfundur togstreituna milli þess að varðveita hið gamla óbreytt og að leyfa kabuki að þróast óheft með samtímanum.
Áhugi höfundar á kabuki vaknaði eftir að hann fór að kynna sér japanska menningu. Hann fór í skiptinám til Japans og lærði klassískan japanskan dans sem hafði mestu áhrif á skilning höfundar á kabuki. Í dansinum lærði höfundur hversu mismunandi líkamsbeitingin getur verið eftir því af hvaða stétt, aldri og kyni persónan er sem verið er að túlka og hvernig hinir ýmsu leikmunir eru notaðir. Auk þess fékk hann að læra á strengjahljóðfærið shamisen sem er notað í nánast öllum kabuki-sýningum.
Stiklað er á stóru þegar kemur að sögunni og síðan farið ofan í helstu áhrifavalda og breytingar. Því næst er fjallað um fjölskyldutenginguna sem hefur verið milli kabuki-leikaranna og sem höfundur telur skipta miklu máli þegar kemur að áhrifum leikarans á kabuki. Lokaorðin eru almenn samantekt á efni ritgerðar og vangaveltur um áframhaldandi þróun kabuki. Að seinustu eru tólf skýringarmyndir sem er ætlað að auka skilning lesandans á kabuki.

Birting
9.5.2012


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
Svava BA, 2012..pdf1,43MBOpinn Heildartexti PDF Skoða/Opna