Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/11547
Í þessari ritgerð er fjallað um fiskveiðistjórnun á Íslandi frá því að skrapdagakerfið var innleitt árið 1978 til þess að núverandi kvótakerfi tók við. Sérstaklega eru rannsökuð áhrif þess á byggð og samfélag og þá helst út frá því hvort kvótakerfið hafi verið lykiláhrifavaldur fólksfækkunar á landsbyggðinni. Jafnframt eru teknar til skoðunar aðrar mögulegar ástæður fyrir fólksfækkun í sjávarþorpum, s.s. tækniframfarir í sjávarútvegi (sem valda því að færri hendur þarf til að vinna verkin) og breytingar á samgöngum sem hafa haft umtalsverð áhrif á búsetu- og rekstrarskilyrði víða á landsbyggðinni. Þá eru sérstaklega kannaðar breytingar á kvótaheimildum og íbúaþróun á Akranesi og Siglufirði. Staðirnir eiga það sameiginlegt að þar hafa fiskveiðar og –vinnsla verið mikilvægur þáttur atvinnulífsins og eins að þeir hafa á undanförnum árum tengst betur stærri svæðum með bættum samgöngum.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Guðmundur Ásgeirs.pdf | 671.11 kB | Opinn | Heildartexti | Skoða/Opna |