Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/11553
Vaxandi áhersla er í stjórnsýslu víða um lönd á aukið samráð við notendur og virka þátttöku þeirra í eigin málum, stefnumótun og þróun þjónustu en þetta á ekki síst við um velferðarþjónustu. Tilgangur ritgerðar er að sjá hvort lögð sé áhersla á þessa þætti á Velferðarsviði Reykjavíkurborgar og hvernig unnið sé að því að efla þá. Til að komast að því var farið yfir þróun síðustu tíu ára (2002-2012) í starfsáætlunum, ársskýrslum og öðrum gögnum. Jafnframt var hugmyndafræði, kenningar og aðferðir notendasamráðs skoðuð til hlítar. Í ljós kom að á síðustu árum hefur verið vaxandi áhersla á samráð við notendur og þátttöku þeirra á Velferðasviði Reykjavíkurborgar en þó má segja að hún hafi verið mis mikil milli ára. Áherslunni er ætlað að komast í framkvæmd með ýmsum verkefnum, starfshópum og námskeiðahaldi fyrir starfsfólk en aðeins hluti af þessum aðgerðum virðist hafa litið dagsins ljós. Hinsvegar hefur verið lagður aukinn kraftur í innleiðingu notendasamráðs á allra síðustu árum og frá árinu 2011 hefur verið stefnt á að nálgunin verði samofin allri þjónustu sem veitt er af hálfu Velferðarsviðs Reykjavíkurborgar.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Þórey Guðmundsdóttir.pdf | 640.93 kB | Opinn | Heildartexti | Skoða/Opna |