ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>B.A./B.Ed./B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/11561

Titlar
  • Kynferðisofbeldi í íþróttum. Siðareglur og fræðsla

  • en

    Sexual abuse in sport. Ethics and education

Útgáfa
Júní 2012
Útdráttur

Rannsóknin fjallar um kynferðisofbeldi gegn börnum innan íþrótta. Markmið rannsóknarinnar er að skoða hvort að handknattleiksdeildir FH og Hauka hafi undir höndum siðareglur eða verklagsreglur er varða forvarnir gegn kynferðisofbeldi á börnum og hvort að félögin starfi eftir þeim. Fjallað er um rétt barna þar sem að Bretland, Danmörk og Svíþjóð eru sérstaklega skoðuð með samanburð í huga. Þá er farið í gegnum ábyrgð þjálfara, þá stöðu sem blasir við hér á Íslandi og siðareglur skoðaðar.
Rannsóknin var unnin með eigindlegri aðferðafræði og var gögnum ýmist safnað skriflega eða með viðtölum. Gagnasöfnun fór fram frá febrúar til apríl 2012. Áhersla er lögð á að skýra frá upplifun þeirra þjálfara sem viðtölin eru tekin við til þess að fá rétta mynd af því hvort að félögin vinni eftir þeim reglum sem til staðar eru hjá þeim.
Niðurstöður rannsóknarinnar benda til þess að þjálfarar fái ekki fræðslu um forvarnir gegn kynferðisofbeldi á börnum og að þeir þekki ekki til vinnubragða, siðareglna eða verkferla hjá félögum sínum. Auk þessa kemur fram í niðurstöðum að áhuginn fyrir því að fá fræðslu um málefnið ásamt því að innleiða siðareglur og verklagsreglur er mikill hjá þjálfurunum. Niðurstöður benda til þess að íslensk íþróttafélög séu langt á eftir íþróttafélögum í öðrum löndum þegar kemur að verndun barna innan íþrótta. Í lokin er gerð grein fyrir tillögum að siðareglum, verkferlum og fræðslu sem félögin gætu unnið eftir.
Lykilorð:Börn, Íþróttir, Kynferðisofbeldi, Siðareglur

Birting
9.5.2012


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
Hafdís Inga.pdf648KBOpinn Heildartexti PDF Skoða/Opna