Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/11602
Með hækkandi meðalaldri í heiminum má búast við því að fjöldi fólks með heilabilun aukist mikið á næstu árum. Heilabilun hefur í för með sér margs konar breytingar fyrir einstaklinginn sjálfan, andlegt atgervi skerðist og breytingar verða í umhverfi hans. Umönnunaraðilar fólks með heilabilun eru í mörgum tilfellum nánir aðstandendur þess. Þeir geta þurft að glíma við alvarlegar afleiðingar þess að annast heilabilaðan einstakling samhliða því að glíma við missinn sem sjúkdómurinn getur haft í för með sér. Byrðin getur verið þeim um megn og sýna margir hverjir til dæmis einkenni streitu, kvíða og þunglyndis. Byrðin getur haft mikið að segja þegar tekin er ákvörðun um innlögn einstaklings á stofnun en einnig getur hún leitt til ofbeldis af hálfu umönnunaraðila. Ofbeldið getur verið líkamlegt, sálrænt, fjárhagslegt, kynferðislegt og í formi vanrækslu. Hugtakið ofbeldi gegn öldruðum er orðið þekkt í flestum löndum og rannsóknir hafa sýnt fram á háa tíðni víða um heim.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Júlía margrét.pdf | 485.84 kB | Opinn | Heildartexti | Skoða/Opna |