is Íslenska en English

Lokaverkefni (Bakkalár)

Háskólinn á Akureyri > Hug- og félagsvísindasvið > B.A./B.Ed. verkefni >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/1165

Titill: 
  • Gildi tónlistar í uppeldi barna
Námsstig: 
  • Bakkalár
Útdráttur: 
  • Tónlist er mikilvægur þáttur í þroskaferli barna. Þessi ritgerð byggist upp á umfjöllun um gildi tónlistar fyrir börn og tónlistarþroska barna. Einnig eru settar fram hugmyndir að tónlistarstarfi í leikskóla og fjallað um hvert hlutverk kennarans er. Að lokum er gerð grein fyrir könnun á þætti tónlistar í leikskólum á Akureyri og nokkrum öðrum bæjarfélögum.
    Gildi tónlistar fyrir börn er margvíslegt og tónlist getur haft áhrif á alhliða þroska barna. Sem dæmi má nefna að hreyfiþroski er styrktur með hreyfingum og dansi við tónlist. Einnig má nefna að þar sem tónlist hvetur til þátttöku og samvinnu styrkir hún félagsþroska.
    Tónlistarþroski barna er einstaklingsbundinn en fylgir þó oftast ákveðnu mynstri. Skoðaðar verða hugmyndir sérfræðinga um ferli tónlistarþroska og fjallað um nokkrar rannsóknir er tengjast honum.
    Tónlist getur spilað stórt hlutverk í leikskólastarfi. Meðal annars er tónlist vel til þess fallin að kenna börnum bókstafi, tölustafi og liti. Með tónlist er einnig hægt að skapa ákveðið andrúmsloft. Í hvíldarstund er notalegt að hlusta á rólega tónlist og í frjálsum leik er gaman að dansa við fjöruga tónlist.
    Könnunin sem ég framkvæmdi var send til 53 deildarstjóra og skiluðu 44 henni til baka. Niðurstöður leiddu í ljós að tónlistarstarf í leikskólunum er mjög mismunandi. Í öllum leikskólunum eru söngstundir en í aðeins 43% tilfella eru aðrar tónlistarstundir í boði fyrir börnin. Í flestum leikskólum geta börnin hlustað á tónlist að vild í frjálsum leik en sjaldgæft er að þau hafi frjálsan aðgang að hljóðfærum. Hjá meirihluta svarenda vekur það upp jákvæðar tilfinningar að sjá um tónlistarstund en þó er nokkuð um það að tilfinningar eins og kvíði og óöryggi vakni þegar kemur að undirbúningi slíkrar stundar

Athugasemdir: 
  • Verkefnið er opið nemendum og starfsfólki Háskólans á Akureyri
Samþykkt: 
  • 1.1.2002
URI: 
  • http://hdl.handle.net/1946/1165


Skrár
Skráarnafn Stærð AðgangurLýsingSkráartegund 
tonlist.pdf719.13 kBTakmarkaðurGildi tónlistar í uppeldi barna - heildPDF
tonlist-e.pdf341.37 kBOpinnGildi tónlistar í uppeldi barna - efnisyfirlitPDFSkoða/Opna
tonlist-h.pdf124.21 kBOpinnGildi tónlistar í uppeldi barna - heimildaskráPDFSkoða/Opna
tonlist-u.pdf67.9 kBOpinnGildi tónlistar í uppeldi barna - útdrátturPDFSkoða/Opna