ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Heilbrigðisvísindasvið>B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/11756

Titlar
  • Heilahimnubólga af völdum baktería í börnum á Íslandi. Yfirlit yfir undanfarna áratugi

  • Childhood bacterial meningitis in Iceland

Útgáfa
Júní 2011
Útdrættir
  • Inngangur: Heilahimnubólga af völdum baktería er alvarlegur og lífshættulegur sjúkdómur og getur klínískur gangur verið mjög hraður. Mikilvægt er að þekkja sjúkdóminn og faraldsfræði hans vel, svo greina megi hann fljótt og bregðast rétt við. Heilahimnubólga veldur dauða í börnum og fullorðnum bæði í þróunarlöndunum og á Vesturlöndum.
    Markmið: Að finna hvaða bakteríur valda heilahimnubólgu hjá börnum (≤ 18 ára) á Íslandi, aldur barnanna, kyn, helstu einkenni sýkingar, greiningaraðferðir, meðferð og afdrif, ásamt því að meta hvort orsakir sjúkdómsins hafi breyst frá 1975-2010.
    Efniviður og aðferðir: Framkvæmd var afturskyggn faraldsfræðileg rannsókn á heilahimnubólgu af völdum baktería í börnum á Íslandi árin 1995 til 2010. Leitað var að tilfellum í ræktunar-niðurstöðum Sýklafræðideildar Landspítalans, sjúkraskrám Landspítalans og Sjúkrahússins á Akureyri auk þess sem krufningarskýrslur voru kannaðar. Ásamt því voru jákvæðar niðurstöður mænuvökvaræktana Sýklafræðideildar Landspítalans frá Reykjavík og Akureyri á tímabilinu 1975 til 2010 skráðar. Faraldsfræði var metin með tilliti til bólusetninga og áhrifa þeirra.
    Niðurstöður: Alls fundust 140 tilfelli af heilahimnubólgu á árunum 1995 til 2010. Þar af voru 58% tilfella í börnum yngri en 5 ára. Flest tilfelli greindust í börnum á fyrsta aldursári (18), eins árs (18) og tveggja ára (19). Algengustu bakteríurnar voru N.meningitidis (90), S.pneumoniae (25) og S.agalactiae (8). Helstu einkenni voru hiti, uppköst, hnakkastífleiki og útbrot eða húðblæðingar. H.influenzae hjúpgerð b var mjög algeng orsök fyrir bólusetningu 1989 en hvarf nánast eftir hana. Tilfellum af meningókokka heilahimnubólgu fækkaði marktækt (p ˂ 0,001) eftir að bólusetning gegn hjúpgerð C hófst haustið 2002. Nýgengi sýkngarinnar (tilfelli/100.000 börn/ár) lækkaði úr 26 árið 1975 niður í 1 árið 2010. Alls létust 7 (5%) börn úr sýkingunni á frá 1995-2010. Allur hópurinn frá 1975 nam 477 tilfellum, og 21 (4,4%) barn lést.
    Ályktanir: Tilfellum af heilahimnubólgu hefur fækkað mikið og marktækt síðustu ár. Niðurstöður rannsóknarinnar gefa til kynna frábæran árangur af bólusetningu á börnum gegn H.influenzae hjúpgerð b og N.meningitidis hjúpgerð C. Vonir standa til að bólusetningar gegn S.pneumoniae muni draga verulega úr alvarlegum pneumókokkasýkingum hjá börnum, en hjúpgerðir 75% þeirra pneumókokkastofna sem greindust í þessari rannsókn er að finna í hinu tíugilda bóluefni sem notað hefur verið hér á landi frá vorinu 2011.

  • en

    Introduction: Bacterial meningitis is a serious and life threatening disease. Clinical course can be very rapid. Therefore, to ensure appropriate treatment, early recognition of signs and symptoms is imperative.
    Objective: To study the bacterial causes of meningitis in children (<18 years) 1975-2010, and possible changes resulting from vaccination. Also, to evaluate in more detail demographics, clinical symptoms, treatment and outcome in children diagnosed in 1995-2010.
    Methods: Information was collected retrospectively for the whole country. Cases were identified by searching CSF culture results, diagnoses in hospital records and autopsy reports.
    Results: A total of 140 children matched the study criteria for 1995-2010, thereof 58% were under five years of age. The most common pathogens were N.meningitidis (90), S.pneumoniae (25) and GBS (8) and their incidence varied according to age. The age specific incidence (cases/100.000/year) dropped from 26 in 1975 to 1 in 2010 (p≤0,001). The most common symptoms were fever, emesis, nuchal rigidity and rashes/petechiae. Hib was a common cause before implementation of Hib vaccination, but this pathogen subsequently all but disappeared in vaccinated children. Likewise, the incidence of meningococcal meningitis fell significantly after vaccination against MenC was initiated.
    Conclusions: The incidence of childhood meningitis has been reduced significantly by successful vaccinations, but vaccination against Hib started 1989 in Iceland and against MenC in 2002. In spite of that, the disease still remains a serious threat to childhood health. Early diagnosis and treatment is crucial in order to minimize the danger of this serious disease. Further prevention of childhood meningitis by novel vaccinations is an exciting challenge.

Birting
21.5.2012


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
Heilahimnubólga af... .pdf1,61MBOpinn Heildartexti PDF Skoða/Opna

Athugsemd: Bannað er að prenta eða afrita skrá án þess að hafa samband við höfund á netfang: kos15@hi.is