Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/11777
Í þessari ritgerð er fjallað almennt um íslensku sagnakvæðahefðina með áherslu á kvæðið Vambarljóð, sem og tengingu þess við íslensk ævintýri af gerðinni AT 706 og 404*. Fyrst er farið í gegnum rannsóknarsögu íslensku sagnakvæðanna þar sem fjallað er um rannsóknir fræðimanna í tengslum við aldur og efnivið þeirra, jafnt sem skyldleika kvæðanna við annað efni líkt og fornaldarsögur, riddarasögur og ævintýri. Því næst er einblínt á sagnakvæðið Vambarljóð og afbrigði þeirra og þau borin saman. Að lokum verður rýnt í efnislega tengingu Vambarljóða við íslensk ævintýri af gerðunum AT 706 og 404* og verður þar meðal annars stuðst við alþjóðlegar gerða- og minnaskrár. Eitt helsta markmið ritgerðarinnar er að draga ályktun um mögulega rót Vambarljóða sem hafa hingað til verið talin ort eftir ævintýrinu Gorvömb, sem varðveitt er í þjóðsagnasafni Jóns Árnasonar. Sýnt verður fram á að svo muni ekki vera, enda á kvæðið mun meira sameiginlegt með öðrum ævintýrum.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Nanna Imsland - Fann eg í einni fornri syrpu.pdf | 920.32 kB | Opinn | Heildartexti | Skoða/Opna |