ÍslenskaenEnglish

Aðilar að Skemmunni

Leit eftir:


LokaverkefniListaháskóli Íslands>Sviðslistadeild>Lokaritgerðir (BA)>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/11789

Titill

Pant vera Barbie! : skopstæling á staðalímyndina, hlutgervingu konunnar og „normið“

Útgáfa
Febrúar 2012
Útdráttur

Hvernig er hin fullkomna kona? Hvernig lítur hún út? Á hverju hefur hún áhuga?
Hvernig hagar hún sér? Hin fullkomna kona er ekki til, hún er fyrirfram ákveðið form, hugmynd eða nánar tiltekið tálmynd. Tálmynd sem fjölmiðlar, tískurit og auglýsingar eiga stóran þátt í að skapa. Útlitsdýrkun, neysluhyggja og klámvæðing eru allsráðandi og saman búa þessi öfl til hið ríkjandi „norm“ innan samfélagsins. Kröfur samfélagsins til kvenna eru stútfullar af þversögnum. Konan á að vera mjó, samt alls ekki of mjó. En hún skal þó vera kvenleg og bera góðan barm (Mjóar stelpur eru ekki flottar, 2011). Fyrirmyndir stúlkubarna eru kvenhetjur á borð við Mjallhvíti, Litlu hafmeyjuna og indíánastúlkuna Pocahontas. Þær eru ákaflega kvenlegar og falla vel inn í hið hefðbundna kvenhlutverk, æðsta takmark þeirra allra er að ná sér í eiginmann. Þannig má ætla að skilaboðin séu eftirfarandi: konan þarf á vernd karlmannsins að halda en um leið að á hún að vera sjálfstæð með bein í nefinu, því hún skal vera á framabraut í lífinu auk þess að vera hin fullkomna, fyrirmyndar húsmóðir. Hún á að vera hlédræg, hrein og undirgefin en samt „til í tuskið“ hvenær sem er. Hún skal bera af sér þokka, sem krefst sjálfsöryggis, en samt er eilíft verið að segja henni hvernig hún eigi og eigi ekki að vera.
Mörk þess raunverulega og þess sem er falsað – tálmyndarinnar eru orðin
óskýr. Konur leitast við að líkjast tálmyndinni með ýmsum ráðum. Þær láta breyta sér
og bæta, eyða um efni fram, flýja inn í annan veruleika eða þróa jafnvel með sér
lífshættulega sjúkdóma. Ég spyr: Er eitthvað að konum sem falla ekki inn í „normið“
eða er mögulega eitthvað að „norminu“? Hvernig er hægt að afbyggja þessa tálmynd,
rífa niður hina fyrirfram ákveðnu staðla og varpa nýju ljósi á hið ríkjandi „norm“? Í
þessari ritgerð mun ég fjalla um hvernig hægt er að nota skopstælingu og skopstælta
karaktervinnu sem vopn í þeirri baráttu.

Birting
23.5.2012


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
Lokaritgerd.pdf509KBOpinn Heildartexti PDF Skoða/Opna