Hinar björtu miðaldir : stílbrögð og skreytilist

Abstract

Á miðöldum þekktist ekki hugtakið list, heldur var skapandi fólk handverksmenn sem sérhæfðu sig í einhverri iðn svo sem steinristun eða tréútskurði. Fólk bjó til nytjahluti en bætti svo um betur og skreytti hlutina í bak og fyrir og fylgdi þá þeim stefnum sem voru í gangi á hverjum tíma fyrir sig. Það er þó erfitt að njörfa tímabilin niður á milli alda þar sem stílarnir bæði sköruðust og blönduðust og voru að auki mismunandi eftir löndum. Hér eru tekin saman helstu stíleinkenni svo að hægt sé að skoða gripina sem hafa varðveist frá miðöldum í samhengi og bera þá saman við myndlist og hönnun nútímans. Það kemur á daginn að handverksmenn miðalda voru listhneigðir og jafnvel mætti ganga svo langt að kalla suma þeirra listamenn, enda virðist svo vera að þeir hafi sjálfir litið á sig sem eitthvað meira en handverksmenn.