is Íslenska en English

Lokaverkefni (Meistara)

Háskóli Íslands > Verkfræði- og náttúruvísindasvið > Meistaraprófsritgerðir - Verkfræði- og náttúruvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/11851

Titill: 
  • Starfshættir á íslenskum fiskmörkuðum. Þarfagreining og nýting hennar til úrbóta
  • Titill er á ensku Work procedures in Icelandic fish markets. Use of requirement analysis for improvement
Námsstig: 
  • Meistara
Útdráttur: 
  • Í gegnum tíðina hefur framboð á fiski ráðið undantekningarlítið verði á fiskmörkuðum. Aðstæður á fiskmörkuðum hafa breyst mikið í gegnum árin og þrátt fyrir bætta starfshætti og tillögur til þess að tengja betur verð og gæði, þá er staðreyndin sú að enn þann dag í dag hefur framboð úrslitaáhrif á verðmyndun. Með tilkomu nýs tölvukerfis sem Reiknistofa fiskmarkaða hf. tók í notkun á árinu 2012 verður hægt að geyma og birta ýmsar upplýsingar sem áður var ekki mögulegt. Markmið þessa verkefnis er að koma auga á og greina þær upplýsingar og þjónustuþætti sem mikilvægastir eru fyrir hagsmunaaðila í viðskiptum við fiskmarkaði. Við vinnslu verkefnisins var framkvæmd þarfagreining á mismunandi hagsmunahópum, lög og reglugerðir þessarar starfsemi skoðuð ásamt því að úttekt var gerð á starfsstöðvum tveggja fiskmarkaða. Upplýsingum var aflað með gerð viðhorfskönnunar, viðtölum við útvalda hagsmunaaðila, úttektir og lestur laga og reglugerða. Upplýsingarnar voru því næst greindar og lagt mat á þær þarfir sem komu fram. Að lokum var þarfagreiningin sett fram þar sem hægt er að sjá hvaða þarfir eru til staðar og hvort þær er uppfylltar eða ekki. Niðurstöður sýna að fiskmarkaðir hafa lagt mikla vinnu í að sinna starfsemi sinni vel en meira þarf ef duga skal. Niðurstaða þarfagreiningarinnar sýnir meðal annars hvar er þörf á betrumbótum og liggur til grundvallar tillögum að úrbótum sem auka verðmæti og hagræði fyrir útgerðir, fiskverkendur, smásala, eftirlitsaðila og aðra sem skyldum hafa að gegna og hagsmunum að gæta gagnvart verðmætasköpun í sjávarútvegi á Íslandi.

  • Útdráttur er á ensku

    Historically, the supply of fish on the Icelandic fish markets has effected the price rather than quality of the products. Despite recommendations to connect prices and quality better from the government and various groups within this industry, limited progress has been achieved. With a new computer system that Reiknistofa fiskmarkaðanna hf. (the fish markets information center) began operating in 2012 it will become easier to store and display various information that has previously not been possible. The aim of this research project it to identify which information and services that are most important for the stakeholders linked to the Icelandic fish markets. To carry out this work, a requirement analysis was done for different groups of stakeholders, laws and regulations of this industry analyzed along with a study of the operations of two Icelandic fish markets. Data was collected through a survey, interviews with various stakeholders, reviews and readings of related laws and regulations. The data was then analyzed and evaluated to identify the requirements of different stakeholders. This results in a requirement analysis where potential improvement areas are identified. The findings show that fish markets work hard to maintain good operations but still there is a great potential for improvements. The results of this work identifies the areas where there is a need for improvements and furthermore provides recommendations on where to make improvements that can increase value for fish producers, fish processors, retailers, regulators, and others that have duties and interest in adding value to the fish industry in Iceland.

Styrktaraðili: 
  • Verkefnið var styrkt af Fiskmarkaði Suðurnesja, Fiskmarkaði Íslands og Reiknistofu fiskmarkaðanna.
Samþykkt: 
  • 29.5.2012
URI: 
  • http://hdl.handle.net/1946/11851


Skrár
Skráarnafn Stærð AðgangurLýsingSkráartegund 
Lokaverkefni_gigjaey.pdf3.26 MBLokaður til...29.05.2132HeildartextiPDF