is Íslenska en English

Lokaverkefni (Bakkalár)

Háskóli Íslands > Verkfræði- og náttúruvísindasvið > B.S. verkefni - Verkfræði- og náttúruvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/11878

Titill: 
  • Umhverfisbreytingar í Arnarfirði á nútíma. Götungarannsókn á sjávarsetskjarna
  • Titill er á ensku Environmental changes in Arnarfjörður during the Holocene. Foraminiferal research in a fjord core
Námsstig: 
  • Bakkalár
Útdráttur: 
  • Staðsetning Íslands, mitt í hringiðu strauma- og loftslagskerfa Norður Atlantshafsins, veldur fjölbreytilegu veðurfari hér á landi. Ólíkir hafstraumar umlykja landið, annars vegar flytur Irmingerstraumurinn hlýjan og saltan sjó að landinu úr suðri og hins vegar berst kaldur og seltulítill sjór með Austur-Grænlandsstraumnum úr norðri. Skilin milli þessara tveggja straumakerfa kallast pólarfrontur og eru þau í dag staðsett rétt norður af Vestfjörðum en hafa færst til í gegnum jarðsöguna háð styrkleika straumanna.
    Árið 2010 var sjávarsetskjarni tekinn í Arnarfirðinum, sem er annar stærsti fjörður Vestfjarða. Ekki hafa áður verið gerðar rannsóknir á seti Arnarfjarðar svo ekki liggja fyrir önnur sambærileg gögn né heldur aldursgreiningar á kjarnanum en líklega spannar hann síðustu u.þ.b. 10.000 árin. Í þessari rannsókn var segulviðtak kjarnans mælt og einnig var kjarnanum lýst með tilliti til setfræðilegra þátta eins og byggingareinkenna, litabreytinga, gjósku og skelja. Auk þess var alls 27 sýnum safnað úr kjarnanum á u.þ.b. 20 cm fresti. Þriðja hvert sýni var skoðað í víðsjá og úr hverju þessara sýna taldir um 200 götungar og greindir til tegunda.
    Samsetningu götungafánu má nota til að túlka umhverfisbreytingar og breytingar á sjávarstraumum. Með götungagreiningu, á sjávarsetskjarnanum úr Arnarfirði, er greinilegt að umtalsverðar umhverfisbreytingar hafa orðið í Arnarfirði á nútíma. Tegundir sem lifa við sterka og kalda botnstrauma einkenna elsta hluta kjarnans en því ofar sem dregur í kjarnanum verður tegundafánan líkari því sem þekkist við t.d. Ísafjarðardjúp í dag. Í heild sinni eru aðstæður í firðinu að breytast eftir ísöld og fleiri götungategundir ná að festa sig í sessi því ofar sem dregur í kjarnanum.

  • Útdráttur er á ensku

    Iceland is located in the North Atlantic Ocean. The oceanographic system around Iceland is dominated by the Irminger Current transporting heat and nutrients from the south, and East-Greenland Current, which brings cold and fresh polar water from the north. The present-day oceanographic Polar Front, which separates these two water masses, is geographically located close to the north Icelandic shelf and has fluctuated throughout time.
    In 2010, a marine sediment core was collected from Arnarfjörður, which is the second largest fjord in Vestfirðir. This is the first sediment core retrieved from Arnarfjörður and therefore no other proxy data is available to compare to or use to estimate the age of the core. However, it is suggested, based on this study, that the core covers the majority of the Holocene, or the last 10.000 years. Magnetic susceptibility was measured and the core was also visually described. In total 27 samples were collected from the core at 20 cm intervals. Nine of those samples were examined under a binocular and about 200 foraminiferal individuals collected and identified from each sample.
    Foraminiferal faunal composition can be used to describe the oceanographic settings and identify environmental changes in the study area. In Arnarfjörður the foraminiferal assemblages indicate that considerable environmental changes have occurred during the Holocene. Species which live in strong and cold bottom currents dominate the lower part of the core but the upper part has more of a modern faunal composition which is known from other fjords in Vestfirðir today.

Samþykkt: 
  • 30.5.2012
URI: 
  • http://hdl.handle.net/1946/11878


Skrár
Skráarnafn Stærð AðgangurLýsingSkráartegund 
BS ritgerð - Arnarfjörður.pdf1.71 MBOpinnHeildartextiPDFSkoða/Opna