ÍslenskaenEnglish

Aðilar að Skemmunni

Leit eftir:


LokaverkefniHáskólinn á Akureyri>Heilbrigðisvísindasvið>B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/12016

Titill

„Það var bara að ég nennti þessu ekki“ : brottfall úr framhaldsskólum frá sjónarhorni iðjuþjálfunar

Útgáfa
Maí 2012
Útdrættir
  • Tilgangur þessarar rannsóknar var að skoða sjónarhorn brottfallsnemenda á því hvers vegna þeir hættu í framhaldsskóla, upplifun þeirra af skólaumhverfi sínu og hvernig grunnskólaganga styður eða letur nemendur til áframhaldandi náms. Leitast var við að svara eftirfarandi rannsóknarspurningum: Hvaða ástæður liggja að baki brottfalli úr framhaldsskóla hjá viðmælendum? Hvaða hugmyndir að leiðum höfðu viðmælendur til að draga úr brottfalli? Aðferðafræði eigindlegra rannsókna var notuð og hugmyndafræði líkansins um iðju mannsins höfð að leiðarljósi við gerð rannsóknarinnar. Tekin voru viðtöl við níu viðmælendur á aldrinum 24-37 ára sem fengnir voru með tilgangsúrtaki, fimm karlar og fjórar konur. Við greiningu gagna var notuð opin kóðun og fundin hugtök sem lýsandi voru fyrir gögnin. Í ljós komu sex meginþemu; sjálfstæði, eigin geta, metnaður, skóli, vinir og heimili. Niðurstöður rannsóknarinnar sýndu að áhrifaþættir brottfalls voru áhugaleysi fyrir námi og að nemendur sjái ekki tilgang með því, auk þess sem fjárhagslegt öryggi var flestum mikilvægt. Forgangsröðun hlutverka og vanamynstur einstaklinga breyttist mikið á þessum árum og margir voru að takast á við ný og krefjandi hlutverk. Ýmsir undirliggjandi þættir höfðu áhrif á skólagönguna. Nokkrum fannst skólinn of fjölmennur og þar af leiðandi utanumhald lítið. Einelti í grunnskóla hafði áhrif á áframhaldandi skólagöngu auk lélegs undirbúnings úr grunnskóla yfir í framhaldsskóla. Viðmælendur fengu misjafnan stuðning frá heimilum sínum á skólagöngunni. Rannsakendur sjá fyrir sér hlutverk iðjuþjálfa í framhaldsskólum þar sem starfssvið þeirra væri að aðstoða við iðjutengd verkefni eftir þörfum nemenda í hvert og eitt skipti. Þeir geta m.a. komið að því að efla áhugahvöt nemenda, hjálpa þeim að finna sitt áhugasvið, koma auga á eigin styrkleika og að setja sér raunhæf markmið.
    Lykilhugtök: Brottfall, nám á framhaldsskólastigi, sjónarhorn brottfallsnema, iðjuþjálfun.

  • en

    The purpose of this study was to examine the perspectives of students dropping out of secondary school. Why they drop out, their experience of the school environment and how former school experience supports or discourages students to seek further education. An attempt is made to answer the following research questions: What are the reasons for dropping out of secondary education amongst the participants? Do the participants have any ideas on ways that can reduce dropout rates? Qualitative research methodology was used in this study and the model of human occupation used as a guideline through the research. Interviews were conducted with nine participants, aged 24-37 years, who were recruited with purpose sampling, five men and four women. Open coding was used whith data analysing and descriptive terms found in the data. The six main themes were independence, individuals own ability, ambition, school, friends and home. The study results showed that factors of dropout were a lack of interest and futility of the education as well as a financial security was important amongst most participants. Difficulties with prioritizing roles, dealing with new challenging roles and changed habituations were noticeable amongst participants during those years. Various underlying factors affectet their schoolwork. Some participants felt the schools had too many students and as a result lack of supervision. Bullying in elementary school affected some participants continuing education and poor preparation in elementary school for secondary education had an impact. Participants received variability of support from their homes while they were in school. In the researchers’ opinion there is a foundation for implementing occupational therapy in secondary schools. Occupational therapists could assist students with tasks related to occupation if need be. They can enhance students’ motivation, help them find their interests, identify their strengths and to set realistic goals.
    Key words: Dropout, secondary education, perspectives of dropout students, occupational therapy.

Birting
5.6.2012


Skrár
NafnRaðanlegtStærðHækkandiAðgangurRaðanlegtLýsingRaðanlegtSkráartegund
„Það var bara að e... .pdf847KBOpinn Heildartexti PDF Skoða/Opna

Athugsemd: „Það var bara að ég nennti þessu ekki“