is Íslenska en English

Lokaverkefni (Meistara)

Háskóli Íslands > Heilbrigðisvísindasvið > Meistaraprófsritgerðir - Heilbrigðisvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/12072

Titill: 
  • Titill er á ensku Respecting one's own work. Healthy work environment in nursing
  • Að bera virðingu fyrir eigin vinnu, Heilbrigt vinnuumhverfi í hjúkrun
Námsstig: 
  • Meistara
Leiðbeinandi: 
Útdráttur: 
  • Rannsóknir á vinnu og vinnuumhverfi hjúkrunarfræðinga og sjúkraliða leiða í ljós að heilbrigt vinnuumhverfi styður við gæðahjúkrun og þar með öryggi sjúklinga. Heilbrigt vinnumhverfi í hjúkrun er skilgreint sem starfsvettvangur þar sem heilbrigði og velferð hjúkrunarfræðinga og hámarksgæði umönnunar sjúklinga er í fyrirrúmi. Tilgangur rannsóknarinnar var að greina hvað felst í heilbrigðu vinnuumhverfi í hjúkrun á bráðalegudeildum á Íslandi og hvaða umbætur styðja við það. Tekin voru fjögur rýnihópaviðtöl við átta sjúkraliða, níu hjúkrunarfræðinga og fimm hjúkrunardeildarstjóra. Rannsóknin er hluti af stærra verkefni þar sem gerðar voru athuganir á vinnu og vinnuumhverfi hjúkrunarfræðinga og sjúkraliða á bráðalegudeildum. Áður en rýnihópaviðtölin voru tekin voru niðurstöður fyrri athugana á vinnu þeirra og vinnuumhverfi kynntar. Notaður var hálfstaðlaður viðtalsrammi. Viðtalsramminn byggir á hugmyndafræðilíkani Sambands hjúkrunarfræðinga í Ontario (e. Registered Nurse´s Association of Ontario (RNAO, 2008)) um heilbrigt vinnuumhverfi auk þess sem tillit var tekið til niðurstaðna athugana á vinnu og vinnuumhverfi þátttakenda. Úr svörunum greindist eitt meginþema með þremur undirþemum sem lýsa heilbrigðu vinnuumhverfi í hjúkrun. Meginþemað er að bera virðingu fyrir eigin vinnu með undirþemunum; virðingu fyrir sjúklingum, sjálfum sér og samstarfsfólki. Greind voru umbótaverkefni sem varða skipulag á húsnæði, tækjabúnað, stoðþjónustu, mönnun, aðföng, verklag og samstarf. Virðing fyrir eigin vinnu og umbótaverkefnin sem greindust, sýna að hjúkrunarfræðingar og sjúkraliðar telja heilbrigt vinnuumhverfi í hjúkrun byggja á þáttum sem lúta að fagmennsku, skipulagi og samskiptum. Niðurstöður rannsóknarinnar samræmast rannsóknayfirliti RNAO um heilbrigt vinnuumhverfi og mikilvægustu þættirnir sem stuðla að heilbrigðu vinnuumhverfi eru; að starfsfólk beri virðingu fyrir hjúkrun, starfsfólkið er lykillinn að úrbótum og vinnuumhverfið getur stutt eða hindrað gæði hjúkrunar. Niðurstöður rannsóknarinnar benda til þess að heilbrigðisstarfsfólk þurfi að auka áherslu á fagmennsku, klíníska þekkingu og færni í hjúkrun, nýtingu sérfræðiþekkingar, samráð og samskipti. Jafnframt er mikilvægt að stjórnendur skoði hvort vinnuumhverfið hamli gæðahjúkrun. Við kennslu heilbrigðisstarfsmanna er brýnt að leggja áherslu á grunn hjúkrun sjúklinga, úthlutun verkefna, teymisvinnu, ábyrgð og símenntun.

  • Útdráttur er á ensku

    Studies of work and work environments for registered nurses (RN´s) and practical nurses (PN´s) show that healthy work environments support quality nursing and thereby patient safety. Healthy work environment is here defined as a workplace where nurses’ health and welfare and quality care of patients is priority. The study aim was identifying what contributes to healthy environments for nursing in acute care inpatient units in Iceland and what kind of reform would support it. Four focus group interviews were conducted, with eight PN´s, nine RN´s, and five nurse managers. This study is a part of a larger project where work and work environment of RN´s and PN´s in emergency wards were studied. Before conducting the focus groups interviews, results from earlier studies of their work and work environments were introduced. A semi-structured interview framework was used, based on a model from the Registered Nurse’s Association of Ontario (RNAO, 2008) of a healthy work environment, as well as results from a study of the participants work and work environment. One main theme was revealed, respect for one’s own work with the subthemes, respect for patients, oneself and one’s colleagues, describing healthy work environment for nursing. Reform projects were identified, organization of housing, equipment, support staff, staffing, resources, procedures and cooperation. Respecting one’s own work by respecting patients, oneself and colleagues, as well as the identified reform projects is based on factors pertaining to their professionalism, organization of the work place and effective communication. Results are in concert with RNAO´s model of healthy environment. The most imprtant factors contributing to a healthy work environment are; respect for nursing work, staff is key for reform, and work environment can facilitate or hinder quality nursing. RN´s and PN´s should emphasize professionalism, clinical knowledge and nursing skills, utilizing specialist knowledge, conferring and communication. Managers must consider whether the work environment hinders quality nursing. Teachers of RN´s and PN´s must emhasize basic nursing skills, delegation, teamwork, accountability and continuous learning.

Styrktaraðili: 
  • Styrkur úr B-hluta Vísindasjóðs Félags íslenskra hjúkrunarfræðinga.
Samþykkt: 
  • 7.6.2012
URI: 
  • http://hdl.handle.net/1946/12072


Skrár
Skráarnafn Stærð AðgangurLýsingSkráartegund 
Að bera virðingu fyrir eigin vinnu - heilbrigt vinnuumhverfi í hjúkrun.pdf1.28 MBOpinnHeildartextiPDFSkoða/Opna