Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/12188
Í þessu verkefni er fjallað um áritun endurskoðenda og hvers lesandi má vænta þegar vísað er í ISRS 4410, og væntingabilið milli þess sem endurskoðenda ber að gera og þess sem ætlast er til að hann geri.
Tilgangur verkefnisins var að meta það hvað hvort lesandinn gerir sér grein fyrir hvaða þýðingu áritun endurskoðenda með vísan í ISRS 4410 þýðir, hver vinnan á bakvið áritunina sé og hvers lesandinn megi vænta þegar vísað er í ISRS 4410.
Til að svara rannsóknarspurningunni „Er áritun endurskoðenda á endurskoðuð verkefni lögð að jöfnu við áritun endurskoðenda á óendurskoðuð verkefni“ voru lög og reglur sem gilda um gerð reikningsskila og áritanir á þeim skoðuð, hvaða félögum beri að skila inn ársreikningum og hverjum ber að árita reikningsskilin. Alþjóðlegi staðalinn um aðstoð við gerð og framsetningu reikningsskila, ISRS 4410, var skoðaður og í framhaldi settar fram tillögur að gátlista, áritun, ráðningarbréfi og staðfestingarbréfi stjórnar. Bornar voru saman áritanir frá hinum ýmsu endurskoðendum til að varpa ljósi á hvort endurskoðendur væri í raun að vísa í ISRS 4410.
Helstu niðurstöður leiddu í ljós að:
Lesandinn má vænta þess að þegar endurskoðandi vísar í ISRS 4410 í áritun sinni að skipulög og fagleg vinnubrögð hafi verið viðhöfð í samræmi við staðalinn.
Endurskoðendur telja að lesendur reikningsskila eru oft og tíðum ekki upplýstir og gera sér því ekki grein fyrir hvað felst í áritun reikningsskila. Lesandinn telji að ef ársreikningur er lagður fram og endurskoðandi eða jafnvel sérfræðingar í reikningsskilum áriti reikningsskilinn að þá hafi þau verið endurskoðuð.
Öll félög sem skyldug eru til að semja ársreikning sinn samkvæmt ársreikningalögum ber að láta endurskoða ársreikning sinn. Ef bornar eru saman stærðartakmarkanir á þeim félögum sem falla undir ársreikningalögin og svo þeim sem ber að láta endurskoða reikninginn þá eru takmarkanirnar á endurskoðunarskyldunni mun lægri en á þeim félögum sem ber að semja ársreikninga eftir lögum um ársreikninga.
Við vinnu verkefnisins bar á því að endurskoðendur sem starfa á minni endurskoðunarstofum voru ekki að vísa í ISRS 4410 eins og þeim ber að gera. Í áritunum sínum vísa þeir í að þeir hafi aðstoðað við gerð ársreikningsins.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
BS verkefni Kristjana Ósk Jónsdóttir.pdf | 681.09 kB | Opinn | Heildartexti | Skoða/Opna |