ÍslenskaenEnglish

Aðilar að Skemmunni

Leit eftir:


LokaverkefniHáskólinn í Reykjavík>Viðskiptadeild>BSc verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/12323

Titill

Arðsemismat á hótelbyggingu við Hörpu

Útgáfa
Maí 2012
Útdráttur

Markmið verkefnisins er að komast að því hvort það sé arðbær fjárfesting að fjárfesta í hóteli við Hörpu. Til stendur að reisa hótel við Hörpu vorið 2015 undir merki alþjóðahótelkeðjunnar Marriott. Farið er í grunngreiningu á verkefninu ásamt umfangsmikla arðsemisútreikninga en hægt er að skipta þeim niður í fjóra hluta.
Fyrst er áætlað sjóðstreymi fjármagns og fundið hreint núvirði ásamt því að aðrar algengar arðsemistölur eru skoðaðar. Niðurstöður eru þær að hreint núvirði er jákvætt og því ættu fjárfestar að fara í verkefnið. Næst er notast við Monte Carlo hermun til að sjá líkindadreifingu á niðurstöðum arðsemismats þegar helstu óvissuþáttum er breytt. Niðurstöður þar eru svipaðar og í fyrri kafla, ólíklegt er að hreint núvirði verði neikvætt sem verður að teljast jákvætt fyrir fjárfesta.
Í þriðja lagi er stuðst við ákvörðunartré til að sjá hvernig verkefnið gæti þróast í framtíðinni miðað við mismunandi aðstæður. Ákvörðunartré gefur fjárfestum betri sýn á sveigjanleika verkefnisins og niðurstöður í ákvörðunartré eru að sveigjanleikinn eykur virði þess. Að lokum eru raunvilnanir notaðar til að verðleggja þá valmöguleika sem fjárfestar gætu haft fyrir hendi í verkefninu. Niðurstöður raunvilnana gefa í ljós að valmöguleikar fjárfesta í framtíðinni hafa mikið virði. Lokaniðurstaða er að fjárfestingin er arðbær og fara ætti í verkefnið.

Birting
26.6.2012


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
BS ritgerð - GG HÞS.pdf1,99MBOpinn Heildartexti PDF Skoða/Opna