ÍslenskaenEnglish

Aðilar að Skemmunni

Leit eftir:


LokaverkefniHáskólinn á Akureyri>Viðskipta- og raunvísindasvið>B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/1234

Titill

Tjáning próteina í methicillin og gentamicin ónæmum staphylococcus aureus stofni

Leiðbeinandi
Útdráttur

Örverur hafa alltaf verið og munu að öllum líkindum alltaf vera partur af
lífi okkar. Í daglegu tali er fólk ekki að velta þeim mikið fyrir sér, fólk veikist,
maturinn skemmist og fáir spá í hinum raunverulegu sökudólgum. Síðan eru
þeir sem að leita að sökudólgunum, meta þá og leita leiða til að hemja þá eða
drepa. Í dag eru margar aðferðir sem eru notaðar til að finna örveruhemjandi
eða eyðandi efni. Það er þó ekki nóg að geta búið til efnin, því það þarf að vita
hvað efnin eiga að virka á í örverunni og þar kemur greining á
próteinmengjum með tvívíðum rafdrætti til sögunnar.
Með því að greina próteinmengi lífvera er hægt að bera kennsl á þau
prótein sem að lífveran er að tjá undir vissum aðstæðum. Síðan er hægt að nota
þessi mengi til að bera saman tjáningu á próteinum við mismunandi aðstæður
hjá sömu lífverunni og þannig má sjá hvað það er sem að breytist í
lífeðlisfræðilegum ferlum lífverunnar við breytingar á umhverfisaðstæðum.
Sú vitneskja sem við öðlumst með að skoða próteinframleiðslu lífvera er
að mörgu leyti grundvöllur fyrir því að geta búið til efni sem eiga að hafa áhrif
á lífveruna. Þegar við vitum hvaða framleiðslu í lífverunni þarf að stöðva eða
auka til að fá þá eiginleika fram sem við viljum, þá getum við einbeitt okkur
að því að finna þau efni sem geta haft þau áhrif.
Í þessu verkefni var markmiðið að rækta upp S. aureus stofn sem er
ónæmur fyrir sýklalyfjunum, methicillin og gentamicin, einangra prótein úr
stofninum við mismunandi ræktunarskilyrði og gera samanburð á
próteinframleiðslu við þessi ólíku skilyrði. Þar sem aðferðafræðin sem var
notuð í verkefninu er ekki fullkomnuð var partur af verkefninu að reyna að
fullkomna hana ásamt því að læra á þau tæki sem þarf að nota í ferlinu.
Heimildarvinna skipaði einnig stóran sess þar sem nauðsynlegt var að vita
hvar þessar rannsóknir væru staddar á þeim tímapunkti og hvað væri komið út
úr þeim enn sem komið var.
Lykilorð: Próteinmengi, próteinframleiðsla, umhverfisaðstæður,
einangrun, samanburður.

Birting
1.1.2007


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
Þórunn Indiana Lút... .pdf1,58MBOpinn Tjáning próteina - heild PDF Skoða/Opna