ÍslenskaenEnglish

Aðilar að Skemmunni

Leit eftir:


LokaverkefniHáskólinn á Akureyri>Hug- og félagsvísindasvið>B.A./B.Ed. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/1235

Titill

Stam : hvað er stam og hvernig ber að bregðast við því innan skólans?

Útdráttur

Talmeinið stam er einna mest rannsakaði talgallinn í heimi en þrátt fyrir það er ekki
hægt að skýra orsakir hans. Helstu einkenni stams eru endurtekningar hljóða eða orða,
lenging hljóða og festing eða lokun fyrir loftstrauminn sem lýsir sér í mikilli spennu í
talfærum. Það er mjög misjafnt við hvaða aðstæður fólk stamar, sumir stama mikið en
aðrir lítið. Samhliða staminu þróast mjög oft ýmis aukaeinkenni sem verða gjarnan
meira áberandi en stamið sjálft. Tíðni stams á meðal fullorðinna er um 1% en ef taldir
eru með allir þeir sem einhvern tíma hafa stamað fer tíðnitalan upp í 5%. Ástæða þess
er sú að mjög algengt er að börn byrji að stama en vaxi upp úr því. Mun líklegra er að
stúlkur vaxi upp úr stami en drengir. Stami barn enn þegar það hefur grunnskólagöngu
eru miklar líkur á því að það muni stama alla ævi.
Líf þeirra sem stama stjórnast oft af staminu. Það virkar gjarnan sem félagsleg
fötlun þar sem að einstaklingarnir sem stama draga sig til hlés og forðast að miklu
leyti samskipti við annað fólk. Jafnframt getur það haft áhrif á framtíðarstörf þessara
einstaklinga þar sem að þeir treysta sér oft ekki í frekara nám þegar grunnskóla líkur
vegna hræðslu við að tala fyrir framan annað fólk. Aðeins hluti stamsins er
heyranlegur og sýnilegur, innra með þessum einstaklingum brjótast margvíslegar
tilfinningar sem erfitt getur verið að vinna úr. Ýmsar kenningar eru uppi um orsakir
stams og byggjast þær á líffræðilegum þáttum, umhverfisáhrifum og málþroska þeirra
sem stama. Í grunnskólum landsins stama að meðaltali um einn til tveir af hverjum
hundrað nemendum. Það er mjög misjafnt hvaða aðstoð þessir nemendur fá innan
veggja skólanna. Æskilegt er að þeir fái aðstoð talmeinafræðinga en jafnframt er
ýmislegt sem kennarar geta gert til að auðvelda þessum nemendum skólagönguna.

Athugasemdir

Verkefnið er opið nemendum og starfsfólki Háskólans á Akureyri

Birting
1.1.2006


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
Ásdís Árnadóttir_e.pdf95,6KBOpinn Stam - efnisyfirlit PDF Skoða/Opna
Ásdís Árnadóttir_h.pdf104KBOpinn Stem - heimildaskrá PDF Skoða/Opna
Ásdís Árnadóttir_h... .pdf288KBTakmarkaður Stam - heild PDF  
Ásdís Árnadóttir_u.pdf99,9KBOpinn Stam - efnisyfirlit PDF Skoða/Opna