ÍslenskaenEnglish

Aðilar að Skemmunni

Leit eftir:


LokaverkefniHáskólinn í Reykjavík>Lagadeild>Meistaraprófsritgerðir>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/12391

Titill

Stórfellt eða stórkostlegt gáleysi?

Útgáfa
Maí 2012
Útdrættir
  • Ritgerð þessi fjallar um áhrif háttsemi tjónvalds og vátryggðs á bótarétt. Er sérstök áhersla lögð á áhrif háttsemi sem fella má undir hugtökin stórkostlegt gáleysi samkvæmt vátryggingarsamningalögum nr. 30/2004 og stórfellt gáleysi samkvæmt 26. gr. skaðabótalaga nr. 50/1993. Inniheldur ritgerðin lýsandi greiningu á reglum vátryggingaréttar sem varða háttsemi vátryggðs og reglum skaðabótaréttar vegna háttsemi sem áhrif getur haft á bótarétt. Þá eru þeir þættir sem ráða mati á háttsemi greindir auk reglna sem áhrif geta haft á matið. Loks er leitast við að svara því hvort stórkostlegt gáleysi samkvæmt vátryggingarsamningalögum sé í raun hugtak sem nær til sömu háttsemi og stórfellt gáleysi samkvæmt 26. gr. skaðabótalaga. Inniheldur ritgerðin samanburðarrannsókn á réttarframkvæmd, varðandi hugtökin tvö, auk umfjöllunar um helstu frumheimildir og norræn fræði sem að þeim lúta. Tilgangurinn með rannsókninni er að greina inntak hugtakanna í ljósi þess hversu mismunandi eðli lagagreinanna tveggja er. Hefur ríkt nokkur óvissa um hvort beita megi sömu viðmiðum við mat á því hvort bótaréttur samkvæmt vátryggingarsamningi skuli skerðast vegna stórkostlegs gáleysis vátryggðs og hvort réttur til miskabóta hefur myndast vegna stórfellds gáleysis tjónvalds samkvæmt 26. gr. skaðabótalaga. Er niðurstaða rannsóknarinnar sú að illmögulegt er að skilgreina hugtökin tvö en hins vegar er mögulegt að greina þá þætti sem liggja að baki beitingu hugtakanna. Leiðir slík greining til þess að almennt beita dómstólar sömu sjónarmiðum við beitingu hugtakanna tveggja, en þó má finna dæmi þess að hlutlæg háttsemi sem fellur undir hugtakið stórfellt gáleysi í skilningi 26. gr. skaðabótalaga, falli ekki undir hugtakið stórkostlegt gáleysi í skilningi vátryggingarsamningalaga. Gáleysismat byggir þó á mati á aðstæðum öllum en ekki aðeins útvöldum þáttum. Niðurstaðan varpar ljósi á þróun réttarframkvæmdar varðandi inntak hugtakanna og eyðir þeirri óvissu sem ríkt hefur varðandi inntakið. Þá veitir ritgerðin yfirlit um reglur um háttsemi vátryggðs sem ekki er fyrir í íslenskum fræðum um vátryggingarétt.

  • en

    The subject of this essay, is the impact of behavioural aspects on the right to compensation. Particular emphasis is placed on the effects of conduct that might qualify as gross negligence under the Insurance Act no. 30/2004 and Article 26 of the Tort Damages Act no. 50/1993. The essay contains a descriptive analysis of the principles of insurance law regarding the conduct of the insured and the Tort Damages Act of conduct that could affect entitlement to damages. An attempt will be made to answer whether gross negligence under the Insurance Act is actually a term that covers the same conduct and gross negligence under Article 26 of the Tort Damages Act. The essay contains a comparative study of law and judgments and discussion of studies relevant to the subject. Uncertainty has prevailed, regarding whether the same criteria applies to assessing both terms. The outcome of the study that it is virtually impossible to define the two terms. It is nevertheless possible to identify the factors underlying the application of concepts. Such analysis leads to an assumption that courts generally apply the same criteria while assessing the two terms, but one can find examples of concrete actions that fall under the definition of gross negligence within the meaning of Insurance Act but not under the definition of gross negligence within the meaning of Article 26 of the Tort Damages Act. Assessment of negligence is however an overall assessment, not just regarding selected elements. The result defines the meaning of the terms and eliminates the uncertainty that has prevailed regarding it. The essay also provides an overview of rules regarding conduct of the insured under the Insurance Act no. 30/2004 which has not previously existed in studies.

Birting
28.6.2012


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
Stórfellt eða stór... .pdf665KBLokaður Heildartexti PDF