Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/12538
Markaðshneigð er ákveðin tegund fyrirtækjamenningar sem einkennist af ætlun fyrirtækis til að færa viðskiptavinum sínum framúrskarandi gæði með það að markmiði að hámarka hagnað. Í fyrirtæki með hátt stig markaðshneigðar er áhersla á viðskiptavininn því grundvöllur í allri starfseminni og allir innan fyrirtækisins vinna að þessu sama marki. Markmið rannsóknarinnar var að leggja mat á markaðshneigð fyrirtækja á íslenskum auglýsingamarkaði og kanna samband markaðshneigðar þeirra og frammistöðu. Þátttakendur í rannsókninni voru starfsmenn á þremur stórum auglýsingastofum sem svöruðu MARKOR matskvarða sem er þekkt mælitæki við mat á markaðshneigð. Niðurstöður rannsóknarinnar bentu til þess að jákvætt samband sé á milli markaðshneigðar og frammistöðu fyrirtækja á markaðnum. Þrátt fyrir að stig markaðshneigðar á markaðnum hafi mælst nokkuð yfir meðallagi er töluvert svigrúm fyrir fyrirtæki til að auka hana. Þá má sér í lagi benda á að bæta mætti miðlun upplýsinga innan fyrirtækjanna um markaðinn, en slík miðlun er einn af grundvallarþáttum þess að fyrirtæki geti náð mikilli markaðshneigð.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
10.Samband_markadshneigdar_auglysingamarkadur.pdf | 345.98 kB | Opinn | Heildartexti | Skoða/Opna |