is Íslenska en English

Lokaverkefni (Bakkalár)

Háskóli Íslands > Menntavísindasvið > B.A./B.Ed./B.S. verkefni - Menntavísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/12600

Titill: 
  • Íslensku húsdýrin : fræðileg greinargerð með námspili
Námsstig: 
  • Bakkalár
Útdráttur: 
  • Í fyrri hlutanum er efni verkefnisins, þ.e. námspilið, tengt við námskrá og eigin viðhorf gagnvart mikilvægi þess í menntun barna rædd. Ég er á þeirri skoðun að nemendur í grunnskólum landsins þekki húsdýrin okkar ekki eins vel og þau ættu að gera. Ástæðan er sú að mörg þeirra hafa ekki fengið tækifæri til að komast í snertingu við þau né sjá þau í sínu rétta umhverfi. Því tel ég að fræðslan um þau sé mjög mikilvæg og stuðli vonandi að því að nemendur fái meiri áhuga á því að kynnast húsdýrunum í þeirra rétta umhverfi. Fjallað er um sumar af þeim nýju áherslum sem eru í námskrá frá 2011 og hvernig vinna við spilið styður við þær. Markmiðin tengjast mest markmiðum náttúrufræða en einnig líka öðrum, svo sem samfélagsfræðum. Fjallað er um námsmat út frá námspilinu þar sem komið er með hugmyndir að mati. Einnig er fjallað um þekktustu kenningar menntunarfræðinga um nám barna svo sem hugsmíðihyggjuna, þar sem gengið er út frá því að nemendur hafi ákveðnar forhugmyndir um húsdýrin áður en þau læra um þau. Sömuleiðis er fjallað um þá stefnu að sinna þurfi öllum nemendum þar sem m.a. er byggt á hugmyndinni um skóla án aðgreiningar og fjölgreindarkenninguna, en hún er sá fræðilegi grunnur sem miðað er við. Í seinni hlutanum er útskýrt hvernig spilið Íslensku húsdýrin er uppbyggt og hvernig það gengur fyrir sig. Markmiðið með spilinu eru fyrst og fremst að rifja upp og skerpa á þeirri þekkingu nemenda sem þeir hafa fengið í gegnum hefðbundna kennslu. Leitast var við að hafa uppsetninguna á spilinu einfalda til þess að nemendur geti spilað spilið nokkuð sjálfstætt án mikillar aðstoðar frá fullorðnum en segja má að það sé stór kostur spilsins. Ástæðan fyrir því að spil þetta er búið til er að ekkert námspil er til sem fjallar eingöngu um húsdýrin og því bætir það við það námsefni að því leyti. Einnig hefur höfundur mikinn áhuga á húsdýrunum þar sem hann hefur alla tíð verið í miklu návígi við þau.

Samþykkt: 
  • 11.7.2012
URI: 
  • http://hdl.handle.net/1946/12600


Skrár
Skráarnafn Stærð AðgangurLýsingSkráartegund 
B.Ed greinargerd.pdf1.05 MBOpinnGreinargerðPDFSkoða/Opna
islensku husdyrin, kapa.pdf31.34 kBOpinnForsíðaPDFSkoða/Opna
Heimildaskra.pdf141.16 kBOpinnHeimildaskráPDFSkoða/Opna
Spilareglur A5.pdf280.87 kBOpinnFylgiskjölPDFSkoða/Opna
Til kennara.pdf12.24 kBOpinnFylgiskjölPDFSkoða/Opna
Spilabord.pdf220.05 kBOpinnFylgiskjölPDFSkoða/Opna