is Íslenska en English

Lokaverkefni (Bakkalár)

Háskóli Íslands > Menntavísindasvið > B.A./B.Ed./B.S. verkefni - Menntavísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/12611

Titill: 
  • Málrækt á fimmtán vikum : heildstætt námsefni í íslensku fyrir 10. bekk
  • Málrækt á fimmtán vikum : greinargerð með heildstæðu námsefni í íslensku fyrir 10. bekk
Námsstig: 
  • Bakkalár
Leiðbeinandi: 
Útdráttur: 
  • Á undanförnum árum hafa orðið miklar breytingar á skólaumhverfi. Opin rými og samkennsla eru ný hugtök auk þess sem samræmd próf í 10. bekk eru nú haldin að hausti. Nemendur hafa átt í erfiðleikum með að skilja mikilvægi íslenskunámsins og því hefur kennslan ekki skilað sér í nægum undirbúningi nemenda fyrir nám í framhaldsskóla.
    Málrækt á fimmtán vikum er hugsað sem heildstætt, 15 vikna kennsluefni, kjörið til að taka fyrir eftir samræmd próf í 10. bekk. Í hveri viku er tekið fyrir eitt atriði sem snertir íslensku. Það atriði er skoðað í umræðum og krufið með nemendahópnum. Því næst vinna nemendur verkefni sem hverfist um þetta tiltekna atriði íslenskunnar um leið og unnið er með viðfangsefni sem tengist íslensku samfélagi. Í lok vinnunnar opna nemendur skólastofuna fyrir fjölskyldum sínum og sýna verkefni sín. Þannig er markvisst unnið að birtingarmynd vinnunnar í heild og vinnan öðlast raunhæft gildi í augum nemenda. Kennsluhættir eru meira í ætt við vinnustofur en hefðbundna kennslu og kennarinn er nokkurs konar mannauðsstjóri yfir skapandi vinnuhóp. Nemendur fá tækifæri til að vinna með sköpun sína og frumkvæði í andrúmslofti sem einkennist af mismunandi áhugasviðum nemenda. Hópavinna er ríkjandi og margbreytileiki nemendahópsins nýttur sem styrkur heildarinnar. Hver hópur hefur tækifæri til að móta vinnuna, skipulag hennar og inntak eftir áhuga nemendanna sjálfra.
    Horft er til heildstæðrar móðurmálskennslu (e. Whole Language), þar sem samfella í námi er höfð að leiðarljósi. Námsefninu er skipt niður viku fyrir viku og er því aðgengilegt fyrir alla kennara. Viðfangsefni hvers verkefnis eru unnin upp úr áfangamarkmiðum 10. bekkjar í íslenskuhluta aðalnámskrár, útgefnum árið 2007, og þeim 6 grunnþáttum menntunar sem birtast í nýjum almennum hluta aðalnámskrár, útgefnum árið 2011, og því tekur námsefnið á atriðum sem nemendur þurfa að hafa á hreinu þegar þeir halda inn í framhaldsskóla.

Samþykkt: 
  • 13.7.2012
URI: 
  • http://hdl.handle.net/1946/12611


Skrár
Skráarnafn Stærð AðgangurLýsingSkráartegund 
B.Ed. Lokaverkefni_HuldaDoggProppe_namsefni.pdf529.24 kBOpinnMálrækt á fimmtán vikum - kennsluleiðbeiningar/námsefniPDFSkoða/Opna
B.Ed. lokaverkefni_HuldaDoggProppe_greinargerd.pdf441.33 kBOpinnGreinargerðPDFSkoða/Opna