is Íslenska en English

Lokaverkefni (Bakkalár)

Háskólinn á Bifröst > Viðskiptadeild > Lokaverkefni í viðskiptadeild (BS) >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/12661

Titill: 
  • Skipulagt íþrótta- og tómstundastarf barna og unglinga : ávinningur hins opinbera á að gera öllum börnum kleift að stunda skipulagt íþrótta- og tómstundastarf
  • Titill er á ensku Organized sports and leisure activities of children and adolescents : the benefit of the government to enable all children to engage in organized sports and leisure
Námsstig: 
  • Bakkalár
Útdráttur: 
  • Í þessari ritgerð umfjöllunarefnið forvarnargildi skipulagðs íþrótta- og tómstundastarf fyrir ungmenni á Íslandi. Spurningin er hvort það er ávinningur fyrir hið opinbera að tryggja, að öll börn og unglingar á Íslandi geti stundað skipulagt íþrótta-og tómstundastarf óháð efnahagi foreldra eða forráðamanna. Rannsakandi telur að mikilvægi rannsóknarinnar muni aðalega felast í fræðilegum tilgangi. Það er að segja að sjá ávinning hins opinbera af að tryggja að grasrót samfélagsins fái jöfn tækifæri til þess að vaxa og dafna í þeim einstaklingi sem völ er á, óháð fjárráð eða áhuga foreldra eða forráðamanna þeirra á viðfangsefninu. Kannanir sýna fram á brottfall barna og unglinga úr skipulögðu íþrótta- og tómstundastarfi vegna útgjalda sem fylgir þátttöku. Þá hafa aðrar rannsóknir og kannanir sýnt fram á að einstaklingar sem fá að dafna í svona skipulögðu starfi eru líklegri til að verða heilsusamlegri einstaklingar á líkama og sál á eldri árum. Þar telur höfundur ávinning ríkisins vera hvað mestur þ.e. fjármunirnir sem sparast í heilbrigðiskerfinu og dómskerfinu auk þess að ala upp einstaklinga sem skila meiri framleiðni út í þjóðfélagið. Stór hluti ritgerðarinnar er í fræðilega kaflanum en þar er farið í áhrif íþrótta- og tómstunda á heilsu og líf barna og unglinga, og ástæður á auknum líkum á áhættuhegðun unglinga. Áhættuhegðun felur í sér hegðun sem getur lagt gerandann beint eða óbeint í hættu. Skilgreind áhættuhegðun í þessari rannsókn var áfengis-, tóbaks-, hass- eða marijúana neysla á meðal unglinga. Fyrri hluti rannsóknarinnar byggist á gögnum verkefnisins Heilsa og lífskjör skólanema 2009/2010 sem er íslenskur hluti alþjóðlegu rannsóknarinnar Health Behaviour in School-Aged Children (HBSC). Þátttakendur rannsóknarinnar voru samtals 3857 nemendur í 10. bekk úr grunnskólum víðsvegar um landið. Niðurstöður sýna að unglingar á landsbyggðinni verja oftar tíma sínum í skipulagðar íþróttir- og tómstundir og neyta sjaldnar áfengis, hass eða marijúana. Hins vegar neyta þeir tóbaks að jafnaði oftar en unglingar á höfuðborgarsvæðinu. Einnig komu í ljós jákvæð tengsl á milli tölvunotkunar og áhættuhegðunar og jafnframt á milli áhrifa frá jafningjum og áhættuhegðunar. Hins vegar komu fram neikvæð tengsl á milli skipulagðra íþrótta- og tómstunda og áhættuhegðunar. Síðari hluti rannsóknarinnar var að skoða útgjöld ríkissjóðs til íþrótta- og tómstundamála og áhrif þeirra á iðkunarfjölda landsmanna. Þar sýndu niðurstöður að þrátt fyrir lækkun útgjalda ríkissjóðs til íþrótta- og tómstundamála þá hækkaði hlutfall iðkana og iðkenda á sama tíma samkvæmt tölum frá Íþrótta- og Ólympíusambandi Íslands.

Athugasemdir: 
  • Ritgerðin er lokuð til júní 2017
Samþykkt: 
  • 31.7.2012
URI: 
  • http://hdl.handle.net/1946/12661


Skrár
Skráarnafn Stærð AðgangurLýsingSkráartegund 
LOKAEINTAK_BS_ritgerð_11_apríl_2012_Edda_Björk_Eggertsdóttir.pdf1.69 MBOpinnHeildartextiPDFSkoða/Opna