is Íslenska en English

Lokaverkefni (Meistara)

Háskóli Íslands > Hugvísindasvið > Meistaraprófsritgerðir - Hugvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/12725

Titill: 
  • Flokkur sem spilaði og söng. Um ljóð fyrir börn og barnaljóð
Námsstig: 
  • Meistara
Útdráttur: 
  • Í ritgerðinni Flokkur sem spilaði og söng er fjallað um ljóð ætluð börnum. Það geta verið fullorðinsljóð sem talin eru holl fyrir börn eða barnaljóð. Kannað er hvaða ljóðum er haldið að börnum hér á landi, ef marka má vinsæl úrvalsrit, og hvað einkennir þau ljóð. Nokkuð er fjallað um tvær vísnabækur frá síðustu öld, Vísnabókina frá 1946 og Vísnabók Iðunnar frá 1990. Einkum eru þó rannsakaðar tólf söngbækur leikskóla frá síðustu árum og rýnt í val ljóða út frá aldri, höfundum og efni. Einstakir efnisflokkar eru skoðaðir og einkenni ljóðanna greind. Þar er megináhersla lögð á „barnaljóð“ sem skilgreind eru sem „ljóð ort fyrir og um börn“, og hlutur þeirra ræddur sérstaklega í því ljóðasafni sem haldið er að íslenskum börnum í dag.
    Helstu niðurstöður eru að ljóðaúrval fyrir börn hér á landi einkennist af allmikilli íhaldssemi, þar sem ljóð þurfa að vera komin vel til ára sinna til að teljast gjaldgeng í úrvalsrit fyrir börn. Barnaljóð eiga líka ógreiða leið inn í slík söfn, en ljóð þjóðskálda og þjóðkvæði eru hærra skrifuð. Einnig virðist sem lítil endurnýjun sé í skáldskap fyrir börn, bæði í úrvalsritum og í skáldahópnum, þar sem yngstu barnaskáldin eru að komast á eftirlaunaaldur og ungskáld virðast vanrækja þessa framtíðarlesendur sína.
    Í lok ritgerðarinnar ræðir höfundur hugsanlegar ástæður þessarar íhaldssemi og litlu endurnýjunar í ljóðum fyrir börn hér á landi, og skorar á þá sem hlut eiga að máli að taka til í sínum ranni.

Samþykkt: 
  • 13.8.2012
URI: 
  • http://hdl.handle.net/1946/12725


Skrár
Skráarnafn Stærð AðgangurLýsingSkráartegund 
MAritgerd_lokagerd_skil.pdf6.53 MBOpinnHeildartextiPDFSkoða/Opna