is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/12738

Titill: 
  • Skaðabætur vegna útboða
Námsstig: 
  • Bakkalár
Útdráttur: 
  • Útboð er tæki sem notað er bæði af hinu opinbera sem og einkaaðilum til stuðla að samkeppni og ná þannig fram sem hagkvæmastri framkvæmd. Þáttur útboða hefur farið vaxandi á síðustu áratugum og sérstaklega hjá hinu opinbera. Að mörgu er að hyggja þegar að útboð eru auglýst og er mikið og flókið regluverk þar að lútandi sem ætlað er að tryggja jafnræði millum þeirra er auglýsa eftir aðilum til að vinna verk og eða þeim sem bjóða þjónustu til að vinna verkin. Ekki tekst það þó alltaf og því geta útboð orðið bitbein og tilefni deilna. Þær deilur eru leystar á lögfræðilegum grundvelli og ef að rétt reynist að útbjóðandi hafi ekki farið að reglum, kemur oft til skaðabótaskyldu hans.
    Þessi ritgerð fjallar um rétt til skaðabóta þegar og ef að útboðsframkvæmd hefur ekki farið rétt fram, fjárhæð þeirra skaðabóta og hvernig eigi að bera sig að við að krefjast þeirra. Til þess að átta sig á því hvenær skaðabótaábyrgð er fyrir hendi þarf fyrst að fjalla almennt um útboð og framkvæmd opinberra innkaupa og fara síðan yfir lagaumhverfið hér á landi á því sviði. Ritgerðin skiptist því að megninu til í tvo parta. Sá fyrri fjallar almennt um útboð með aðaláherslu á útboð opinberra aðila. Sá seinni og veigameiri, fjallar sérstaklega um skaðabætur og dómaframkvæmd á Íslandi þegar að útboðsreglum hefur ekki verið fylgt. Í þeim kafla verður gerð grein fyrir skiptingu skaðabóta í skaðabætur innan og utan samninga. Þá verður gerð grein fyrir tveimur tegundum skaðabóta sem koma til greina vegna útboða, það er vegna neikvæðra og jákvæðra samningshagsmuna. Í kröfurétti hafa þær bætur oft verið nefndar efndabætur og vangildisbætur.

Samþykkt: 
  • 15.8.2012
URI: 
  • http://hdl.handle.net/1946/12738


Skrár
Skráarnafn Stærð AðgangurLýsingSkráartegund 
Skaðabætur vegna útboða.pdf351.97 kBOpinnPDFSkoða/Opna
Forsíða BA ritgerð.pdf105.82 kBOpinnPDFSkoða/Opna