ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Hugvísindasvið>B.A. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/12746

Titill

Hugmyndafræði Jónasar frá Hriflu í Skinfaxa 1911-1915. Erlend áhrif

Útgáfa
September 2012
Útdráttur

Markmiðið hér er að skoða þær hugmyndir sem birtast í ritstjórnarskrifum Jónasar Jónssonar frá Hriflu í Skinfaxa, mánaðarriti ungmennafélaganna, á tímabilinu 1911-1915, en á því tímabili fór Jónas mikinn í gagnrýni sinni á þróun íslensks samfélags. Horft er til þriggja meginþátta. Skoðaðar eru hugmyndir hans um eðli, mótun og siðferði einstaklingsins, hugmyndir hans í mennta- og uppeldisfræðum og uppruna þeirra leitað, einnig þær hugmyndir sem hann byggir samfélagssýn sína á. Reynt er að setja hugmyndir Jónasar í víðara erlent samhengi; grafast fyrir um hvaða erlendu hugmyndastraumar mótuðu helst viðhorf hans og hvar hann varð fyrir áhrifum. Þar eru sérstaklega skoðuð áhrif af námsvöl hans í Askov í Danmörku og í Ruskin College í Bretlandi á árabilinu 1906-1909.
Sterk þjóðernishyggja og framfaraþrá einkenna sjónarmið Jónasar, en þau eru einnig lituð ótta sem ríkir í evrópsku samfélagi um vaxandi þjóðfélagsöfgar, ótta sem tengdur er uppgangi og pólitísku mikilvægi alþýðu. Sérstök áhersla er lögð á að draga fram hve vísindahyggjan og hin nýja fræðigrein, sálfræðin, ýttu undir og styrktu hugmyndir Jónasar um alhliða mótun einstaklingsins og hve þær hugmyndir gegnsýrðu allan málflutning hans um samfélagið og þróun þess. Einnig er reynt að varpa ljósi á það, hvernig hræringar í Bretlandi tengdar menntun verkamanna; þar sem regluverk hefðarinnar sækir á og stjórnvöld og háskólasamfélag hlutast til um menntun verkamanna, auk reynslu Jónasar frá Askov, rótfesta enn frekar hugmyndir hans um nauðsyn sérmenntunar til handa alþýðu. Í skrifum Jónasar á þessu tímabili birtist einnig vel að mínu mati, sú umbreyting sem verður á Jónasi úr hlutverki fræðara, yfir í áróðursmeistara og loks stjórnmálamann.

Birting
23.8.2012


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
Hugmyndafræði Jóna... .pdf897KBOpinn Heildartexti PDF Skoða/Opna